Jjj
◆J●ff£®¥◆EPISODE 1 LINK 👇
https://m.facebook.com/groups/blackhumoursociety2.0/permalink/2977165329273174/
കഥകൾ പലതും കൈ വിട്ടു പോയി
ഇതൊക്കെ എന്നെങ്കിലും അവളുടെ വീട്ടിൽ അറിഞ്ഞാൽ എൻ്റെ കാര്യം ഗോവിന്ദ.
ക്ഷമ ചോദിക്കണം എന്നുണ്ട് പക്ഷേ കൈപ്പത്തി അടയാളം ഒരണ്ണം കവിളിൽ പതിയുമെന്ന് ഉറപ്പാണ്
മലയാളം ക്ലാസിൽ പുറകിൽ ഇരുന്നുകൊണ്ടിരുന്ന ഞാൻ പിന്നീട് ഏറ്റവും മുന്നിലെ കോർണറിൽ അവള് എന്നെ കാണാത്ത രീതിയിൽ ഇരിക്കാൻ തുടങ്ങി.
ഈ ഇരിപ്പ് കണ്ട് പയ്യൻ ഇപ്പോ ക്ലാസ്സിൽ ഒക്കെ നല്ല ശ്രദ്ധയാണന്ന് മലയാളം സാർ പിടിഎ മീറ്റിങ് പറഞ്ഞത് ഞാനിന്നും ഓർക്കുന്നു.
സ്കൂളിന് അടുത്തുള്ള പള്ളിയിൽ പരിചയമില്ലാത്ത ആരുടെയെലും കല്യാണം വന്നാൽ ഓസിന് ജ്യൂസ് മോന്താൻ പോവാറുണ്ട്.
ഇത്തവണ പോയപ്പോൾ കല്യാണ ഓട്ടം വന്ന അവരുടെ സ്വന്തം ടൂറിസ്റ്റ് ബസ്സും ഉണ്ടായിരുന്നു.
കൂടെ ഉണ്ടായിരുന്നവൻ ദേ അളിയൻ്റെ വണ്ടി എന്ന് വിളിച്ചു കൂവി ST കാശ് പോലും കയ്യിൽ ഇല്ലാത്ത ഞാൻ അതോടെ സ്കൂളിൽ ഒരു ടൂറിസ്റ്റ് ബസ്സ് മുതലാളി ആയി മാറി.
നിരാശയും ഭയവും നിറഞ്ഞ രാത്രികളിൽ എന്നെ സമാധാനിപ്പിക്കാൻ വേണ്ടി അവളുടെ തന്തയാണന്ന് പറഞ്ഞ് ക്ലാസ്സിലെ പല മകരുകളും വിളിച്ചു പറ്റിച്ചു.
കൈ തല്ലി ഒടിക്കും എന്നത് തുടങ്ങി ഞങ്ങൾക്ക് എതിർപ്പ് ഇല്ല മോൻ്റെ വീട്ടിൽ ഞങ്ങൾ സംസാരിക്കാമെന്നും പറഞ്ഞ് കോളുകൾ വന്നുകൊണ്ടെയിരുന്നു.
ആര് വിളിച്ചാലും അറിയുന്ന നമ്പറുകൾ മാത്രമെടുക്കുന്ന ഒരു കാലഘട്ടത്തിലേക്ക് ഞാൻ ഫോണുമായി നീങ്ങി
പ്ലസ് വൺ അവസാനം ഏകദേശം കളിയാക്കലുകളും പേര് വിളിച്ച് ആക്കലും കുറഞ്ഞ സമയം എല്ലാം എല്ലാവരും മറന്നു തുടങ്ങി
പഴയ ഓളത്തിലേക്ക് ഞാനും എത്തി.
സ്കൂൾ ആനുവൽ ഡെയ്ക്ക് ഫുൾ പവർ സ്റ്റേജിൽ ഡാൻസും പാട്ടും സ്റ്റേജിനു താഴെ ഒടുക്കത്തെ ഓളം വെപ്പും പട്ടി ഷോയും
അവസാനത്തെ പ്രോഗ്രാം അവളുടെ പാട്ടാണ് എൻ്റെ നെഞ്ച് ഒന്നിടിച്ചു. ദൈവമുണ്ട്. ആരും എൻ്റെ പേര് വിളിച്ച് കൂവിയില്ല എല്ലാവരും മറന്നു തുടങ്ങി എന്ന് ഞാൻ ആശ്വസിച്ചു.
അത്രയും നേരം തുള്ളിയത് പോരാഞ്ഞിട്ട് സീനിയർ ഒരുത്തൻ പാട്ട് വേണ്ട ഡാൻസ് ഡാൻസ് എന്ന് വിളിച്ചു കൂവി.
ചെവിയിൽ ആണോട മൈരെ കൂവെന്നത് എന്ന് എൻ്റെ ക്ലാസ്സിലെ ഒരുത്തൻ വിനയത്തോടെ ചോദിച്ചു.
എന്ത് ധൈര്യത്തിലാണ് അവൻ പ്ലസ് ടൂ വിലെ അവനെ കേറി മൈരെ എന്ന് വിളിച്ചത് എന്നതിന് എനിക്ക് ഇന്നും ഉത്തരം കിട്ടിയിട്ടില്ല.
പിന്നെ ഇടിയുടെ പെരുന്നാൾ ആയിരുന്നു അവൻ കേറി ഇടിച്ച ഇടി സയൻസിലെ ഒരുത്തന് മാറി കൊണ്ടു പൂണ്ട അടി ആയി. അതോടെ എല്ലാ പരിപാടിയും മതിയാക്കി ദേശീയ ഗാനം പോലുമില്ലാതെ ബെൽ അടിച്ച് വീട്ടിൽ വിട്ടു
ഇടി ഉണ്ടാക്കിയ കാരണം അന്വേഷിച്ച് പിറ്റേന്ന് സാറുമാർ ഇറങ്ങി ഓരോരുത്തരെ പൊക്കാൻ തുടങ്ങി.
എൻ്റെ കൂടെ ഉള്ളവൻ ഒക്കെ ബാഗ് പാക്ക് ചെയ്തു വെച്ചു സസ്പെൻഷൻ ലെറ്റർ കിട്ടിയാൽ ഉടനെ വീട്ടിൽ പോവാലോ.
ഇവന്മാർ ഇല്ലാത്ത ക്ലാസിൽ ഒരു പ്രത്യേക സമാധാനം ആണ്. ടെൻഷൻ ഇല്ലാതെ കുറച്ച് ദിവസം ഹാവൂ..
അടിക്ക് ഇടയിൽ പിടിച്ച് മാറ്റാൻ ഞാൻ ഇല്ലാരുന്നെ കാണാരുന്ന് എന്ന അഹങ്കാരത്തിൽ ഞാനിരുന്നു.
അര മണിക്കൂർ എടുത്തില്ല എന്നെ വന്ന് പ്യുൺ വിളിച്ചു. ഞാൻ സ്റ്റാഫ് റൂമിൽ ചെന്നതും എല്ലാ സാറുമാരും ഉണ്ട്.
ഇന്നലത്തെ ഇടിയുടെ ചോദിക്കാൻ ആണന്നു ഉറപ്പായിരുന്നു.
തല മൂത്ത ടീച്ചറിൽ നിന്നും ആദ്യ ചോദ്യം വന്നു..
"അവളുടെ പാട്ടിന് ആരു കൂവിയാലും നീ അങ്ങ് കേറി ഇടിക്കുവോ..?
"നിയാര അവളുടെ ബോഡി ഗാർഡ് ആണോ.?
ഞാൻ പുറകിലേക്ക് നോക്കി..
ചോദ്യം എന്നോട് തന്നെയാണോ എന്ന് ഉറപ്പിക്കാൻ.
ഇടി ഉണ്ടാക്കിയ ഇരുപത്താർ പേരും ഈ കേസിൽ ഇല്ലെന്നും ഞാൻ മാത്രമാണ് പ്രതി എന്നും സന്തോഷത്തോടെ ഞാൻ മനസിലാക്കി.
പറഞ്ഞ് തർക്കിച്ച് നിന്നാൽ ചിലപ്പോ സ്കൂളിൽ തെളിയാതെ കിടക്കുന്ന പൈപ്പ് പൊട്ടിച്ച കേസ് മുതൽ കുളത്തിലെ ഗോൾഡ് ഫിഷിനെ ചൂണ്ട ഇട്ടു പിടിച്ച കേസ് വരെ എൻ്റെ തലക്ക് ഇരിക്കും.
കയ്യും കാലും പിടിച്ച് ഒരു വിധത്തിൽ അപ്പോളജി ഒക്കെ എഴുതി കൊടുത്ത് തിരിച്ച് ക്ലാസിൽ വന്നപ്പോൾ എനിക്ക് ഇനി ഒരു തിരിച്ച് വരവ് ഉണ്ടാവില്ലെന്നോർത്ത് എൻ്റെ ചോറും കൂടി ഇരുന്നു കഴിക്കുന്ന യഥാർഥ പ്രതിയെ ഞാൻ കണ്ടു.
ഇനി ഈ കേസ് പുറത്ത് അറിഞ്ഞാൽ അവളുടെ പേരും ഇതിൽ വന്ന് വേറെ വിഷയം ആവും എന്നോർത്ത് ഞാൻ എല്ലാം സഹിച്ചു മുന്നോട്ട് പോയി..
ഞാനും സാറന്മാരും ഇരു ചെവി അറിയാതെ ഒതുക്കിയ കള്ള കേസ് അപ്പുറത്തെ കെട്ടിടത്തിലെ യൂപി ക്ലാസുകളിൽ പോലും പാട്ടായി..
എൻ്റെ പെണ്ണിനെ നോക്കിയതിന് സീനിയറെ ഇടിച്ച ധീരനായ കാമുകൻ്റെ പട്ടം എനിക്ക് ചാർത്തി കിട്ടി.
ഒരു സാമ്രാജ്യം എനിക്ക് ചുറ്റും രൂപപ്പെട്ടു. ബേക്കറിയിലും ബസ്റ്റോപ്പിലും ഒരേ സമയം ഞാനും എൻ്റെ കാമുകിയും ചർച്ച വിഷയമായി.
അതോടെ സ്കൂളിൽ നിന്നല്ല നാട്ടിൽ നിന്ന് പോലും ഒരുത്തിയെ നോക്കാൻ പറ്റില്ലന്ന് ഞാൻ തിരിച്ചറിഞ്ഞു.
ഇതൊക്കെ അവൾ എങ്ങനെ ഫേസ് ചെയ്തു എന്ന് എനിക്ക് അറിയില്ല. ശരിക്കുംഅവളുടടെയും ഫാമിലിടെയും കാര്യം ഓർത്തപ്പോൾ സങ്കടം തോന്നി.
അവളുടെ വീട്ടിൽ ചെന്ന് അവളുടെ മമ്മിയോട് ഒക്കെ സോറി പറഞ്ഞ് യാഥാർത്ഥത്തിൽ ഉണ്ടായത് പറഞ്ഞ് ഈ കേസ് തീർക്കാൻ ഒരുത്തൻ വീണ്ടും എനിക്ക് ഉപദേശം നൽകി
ഓർത്തപ്പോൾ ശരി ആണന്നു തോന്നി ഇല്ലേൽ തെറ്റിദ്ധരിച്ച് എനിക്ക് പണി കിട്ടാനുള്ള സാധ്യത ഞാനും മുന്നിൽ കണ്ടു. അവനോടോരു ധൈര്യത്തിന് കൂടെ വരാനും പറഞ്ഞു.
ഉറക്കം ഇല്ലാതെ ശനിയാഴ്ച നേരം വെളുപ്പിച്ച് പത്ത് മണി ആയപ്പോ ഞാൻ പോവാനായി അവനെ വിളിച്ചു
ബസ്സ് ഇറങ്ങി വന്നത് അവൻ ഒറ്റക്ക് ആയിരുന്നില്ല ക്ലാസ്സിലെ വേറെ മൂന്ന് പേരും ഉണ്ട് അന്ന് അടി തുടങ്ങി വെച്ചവൻ ഉൾപ്പടെ.
എല്ലാം ഞങ്ങള് കാരണം ഉണ്ടായ പ്രശ്നം അല്ലേ അതുകൊണ്ട് ഞങ്ങളും കൂടെ വരാം എന്നുപറഞ്ഞ് ഒരുത്തൻ എന്നെ ചേർത്ത് പിടിച്ചു.
ശരിക്കും ഇവന്മാർ ഒക്കെ തുടങ്ങി വെച്ചത് അല്ലേ ഒരു തെളിവ് ആയി കൊണ്ട് പോവാമെന്ന് ഞാനും കരുതി.
അടുത്ത ബസ്സിൽ കയറി അവളുടെ വീടിനടുത്തുള്ള സ്റ്റോപ്പിൽ ഇറങ്ങി
ഞങ്ങടെ സ്കൂളിൽ പഠിക്കണ പത്താം ക്ലാസ്സിലെ രണ്ട് പിള്ളേർ ക്രിക്കറ്റ് കളിക്കുന്നുണ്ടായിരുന്നു അവിടെ ചെന്ന് ചുമ്മാ മിണ്ടി..
മിണ്ടി മിണ്ടി പയ്യെ ഗ്രൗണ്ടിലേക്ക് കയറി നിന്ന് അവന്മാരുടെ കയ്യിൽ നിന്നും ബാറ്റും ബോളും ഒക്കെ വാങ്ങി വന്ന കാര്യം പോലും മറന്ന് എന്നോട് പോയിട്ട് വാ ഞങ്ങൾ ഇവിടെ കാണുന്നും പറഞ്ഞ് അവന്മാർ ടീം ഇടാൻ തുടങ്ങി.
കളി കഴിഞ്ഞ് ഒന്നിച്ച് പോവാന്ന് ഒരുത്തൻ പറഞ്ഞതുകൊണ്ട് നാല് കളി കഴിയണത് വരെ നിന്നു. കളി കഴിഞ്ഞ് പോവാൻ ഇറങ്ങുമ്പോൾ മഴയും. ഓടി കയറി നിക്കാൻ പോലും ഇടമില്ലാതെ നനഞ്ഞ് കുളിച്ച് തിരിച്ച് വീട്ടിൽ വന്നു
തിരിച്ച് വീട്ടിൽ വന്ന് കുളി കഴിഞ്ഞ് ഇരിക്കുമ്പോഴാണ് അവളുടെ മെസ്സേജ് വന്നത്.
അവളെ കാണാൻ വേണ്ടി ഞാൻ രാവിലെ മുതൽ കൂട്ടുകാരെ കൂട്ടി ഗ്രൗണ്ടിൽ ഒക്കെ വന്ന് ഇരിപ്പാണന്ന് എൻ്റെ സ്കൂളിലെ ആ പിള്ളേർ പോയി നാട്ടിലെ ചേട്ടന്മാരോട് ഒക്കെ പറഞ്ഞ് നാട്ടിൽ വാർത്ത പരന്നു.
കുറച്ച് കഴിഞ്ഞപ്പോൾ ഡിവൈഎഫ്ഐ ഉള്ള നാട്ടിലെ ചേട്ടൻ എന്നെ വിളിച്ചു
ഇനി ഒറ്റക്ക് അവളെ കാണാൻ പോവണ്ട സ്കെച്ച് വീണിട്ടുണ്ടന്നും അവക്ക് പതിനെട്ട് ആവുന്ന വരെ ഒന്ന് ക്ഷമിക്കാനും പറഞ്ഞ് പുള്ളി ഫോൺ വെച്ചു..
എനിക്ക് ചുറ്റും നടക്കണത് എന്താണന്നു എനിക്ക് മനസിലായില്ലങ്കിലും നാട്ടുകാർക്ക് മുഴുവൻ മനസ്സിലാകുന്നുണ്ടന്ന് അതോടെ മനസിലായി.
ഒരുത്തനെയും വിശ്വസിക്കരുത്😪
സപ്പോർട്ട് തന്നാൽ തുടരും...🙂