ТЕРДУда “БИЛИМЛАР КУНИ” ТАДБИРЛАРИ КЕНГ НИШОНЛАНМОҚДА

Ўқув йилининг дастлабки кунларидан университетимиздаги барча факультет кириш эшиклари олдида факультетлар профессор-ўқитувчилари талаба-ёшларни ўзгача меҳр, соғинч билан кутиб олдилар. Айниқса талаба-ёшларни карнай-сурнай садоларию, Она Ватанни, истиқлолни мадҳ этувчи куй-қўшиқлар билан кутиб олинганлиги билимга бўлган ташна юрак эгаси бўлмиш талаба-ёшлар қалбида ўзгача илиқлик уйғотди.

 Эндигина талабалик бахтига муяссар бўлиб турган 1-курс талабаларининг ҳис ҳаяжонларини уларнинг кўзларидан, ҳаяжонли нигоҳларидан илғаб олиш қиянмасди.

 Дастлаб тадбирни университетнинг ўқув ишлари бўйича проректори Ў.Ахмедов кириш сўзи билан очиб барча йиғилганларни Мустақиллигимизнинг 28 йиллиги ва билимлар куни билан қутлади. Шундан сўнг сўз олганлар бугунги шодиёна билан йиғилганларни табриклаб энг эзгу тилакларини билдиришди.

Билимлар кунига бағишланган тадбирлар якунлангач барча факультетларда “Жонажон Ўзбекистоним, мангу бўл омон!” шиори остида мустақиллик дарслари ташкил этилди.