https://telegra.ph/
ChhanpuiaAMC HUAMCHHUNG LIRTHEI TLAN DAN RUAHMANNA THAR VAWIIN ATANGA HMAN TUR
1st August, 2020 (MSR) : Vawiin atang hian Aizawl Municipal Corporation huamchhungah lirthei tlan dan tih danglam leh a ni a, Thawh?anni leh Zirtawpni inkarah Sawrkar leh mimal lirthei, Taxi leh Two-wheeler Taxi chu inthlanchhawk leh tur a ni a, City bus te chu Aizawl City Bus Owners Association (ACBOA) in intlanchhawk dan a ruahman angin an intlan chhawk ang. Pathianni-ah eng motor mah tlan phal a ni lo a ni.
Intlanchhawk hian mimal motor leh Sorkar motor, Two-Wheeler zawng zawng, bungraw phur lirthei zawng zawng a huam ang a, Thawhtanniah Registration 1 leh 2 a tawp te an ding ang a, Thawhlehniah Registration 3 leh 4 a tawp an ding anga, Nilainiah Registration 5 leh 6 a tawp an ding ang. Ninganiah Registration 7 leh 8 a tawp an ding anga, Zirtawpniah Registration 9 leh 0 a tawp an ding thung ang, Tlan chhuah phalloh hun hian Zing dar 9:00 AM atanga Tlai dar 5:30 PM inkar a huam ang.
Mizoram District dang lirthei zawng zawng te, State pawna lirthei register te, Private Motor leh Bungraw phur motor Aizawl khawpui chhunga awm leh tlan lut tur reng rengte pawh intlanchhawk hian a huam ang a, lirthei intlanchhawk hian Inrinni a huam lo a ni.
Taxi bik chu Sticker A, B leh C hmanga intlanchhawk kalpui mek ang hian Zing Dar 9:00 AM atanga Tlai Dar 6:30 PM inkar an intlanchhawk ang.
Two Wheeler Taxi bik chu Sticker A, B, C, D leh E hmanga an tlan dan tur kalpui ang hian Zing Dar 9:00 AM atanga Tlai Dar 6:30 PM inkar ah an tlan ang. Inrinni bikah Chawhnu Dar 1:00PM atangin tlangdung kawngpui ah an vaia tlanchhuah phalsak an ni.