Гулистон туманидаги Боёвут СИУ фермерлари ҳам пахта топшириш шартномавий режасини ортиғи билан бажаришди. 

Туманимиздаги Боёвут СИУда лабзи ҳалол ва заҳматкаш пахтакорлар жорий йилги пахта топшириш шартномавий режасини 101,5 фоизга бажаришди. Яқин 10 йиллар ичида бундай натижага эришилмаган эди. Ушбу ғалаба муносабати билан Боёвут СИУда хурсандчилик нашидасини баҳам кўриш мақсадида байрам тадбири бўлиб ўтди.

Байрам тадбирида туман ҳокими Ш.Гафуров, ҳоким ўринбосарлари, сектор раҳбарлари ҳамда бошқа меҳмонлар қатнашишди.

Тадбирда туман ҳокими Ш.Гафуров ўз сўзида "Хурматли Боёвутнинг меҳнаткаш халқи, бугунги ғалаба сизнинг машаққатли меҳнатларингиз самарасидир, қолаверса, СИУ раиси Давронов Собирнинг ташкилотчилигидир. Халқимизда "Қадами қутлуқ келибди..." деган гап бор. Бу гап бежизга эмас, албатта. Раҳбарга кўп нарса боғлиқ бўлади, яна бир бор ғалаба муробак бўлсин, Боёвутлик фермер ва деҳқонлар" дея табриклади ва эсталик совғаларини СИУ раиси Собир Давроновга топширди.

Деҳқон ва теримчиларга ош дамланиб, байрам дастурхонига тортилди.

Байрам тадбирида турли куй-қўшиқлар барча деҳқон ва теримчиларни кайфиятини кўтариб, рақсга чорлади.

Боёвутлик деҳқон ва фермерларнинг кайфияти аъло.

Ғалаба муборак бўлсин азиз Боёвутликлар!

Гулистон тумани ҳокимлиги ахборот хизмати