Гулистон туманида "Жонажон юртим ободлигига ўз ҳиссамни қўшаман" шиори остида тозалик ойлиги ўтказилмоқда.
@guliston_t_pressАйни кунларда юртимиз бўйлаб “Жонажон юртим ободлигига ўз ҳиссамни қўшаман!” шиори остида барча маҳаллалар, кўча ва хонадонда эзгу акциялар ташкил этилиб, халқимиз томонидан ободлик ва соғлом турмуш тарзини тарғиб этишга қаратилган тадбирлар кенг кўламда амалга оширилмоқда. Бунинг ортидан эса хонадонлар, кўча ва маҳаллалар янада файзли ва обод кўринишга эга бўлмоқда.
Бугун Гулистон туманидаги қишлоқ, шахарча ва маҳалла фуқаролар йиғинларида кенг аҳоли вакилларини жалб этган ҳолда “Жонажон юртим ободлигига ўз ҳиссамни қўшаман” шиори остида хонадонларда, кўчаларда ободонлаштириш ишлари ташкил этилди.
Маҳаллалар, хонадонларни тартибга келтирилиб, аҳоли уй-жойларини оқлаш, дарахтларга шакл бериш, ариқларни тозалаш, чиқиндиларни олиб чиқиш, зиёратгоҳ ва қабристонларни ободонлаштириш, камбағал оилаларнинг хонадонларини таъмирлаш ишларида ҳашарлар уюштирилди.
Шу ўринда таъкидлаш жоизки, бундай ҳайрли тадбирлар натижасида туманда намунали хонадонлар ва кўчалар сони тобора кўпайиб, маҳаллалар эса обод ва кўркам масканларга айланмоқда.
Гулистон тумани ҳокимлиги ахборот хизмати