Гулистон туманидаги уй-шароитида карантинга олинган фуқароларга туман ҳокимлиги томонидан озиқ-овқат маҳсулотлари етказиб берилди.
@guliston_t_press
Халқимизда азал-азалдан меҳр-оқибат, самимият, ўзаро ҳурмат, меҳрибонлик ришталари узвий боғланиб келган. Айни кунлардаги мураккаб вазиятда бу ришталар бизнинг қонимизда бор эканлигига яна бир карра ишонч ҳосил қилишимиз мумкин.
Вилоят ҳокими ташаббуси билан амалга оширилаётган “Биз биргамиз” акцияси Гулистон туманида давом этмоқда. Акция доирасида ҳокимлик ташаббуси билан уй шароитида карантинга олинган, кам таъминланган, боқувчисини йўқотган, эҳтиёжманд оилаларда шахсий-гигиена воситалари, зарур озиқ-овқат маҳсулотлари берилмоқда.
Шундай синовли кунларда бир-биримиздан ҳол сўраш, меҳр-мурувват кўрсатиш инсонийликнинг энг олий фазилатларидан биридир.
Бундай тадбирлар давом этади.
Гулистон тумани ҳокимлиги ахборот хизмати