Гулистон туманда Хотин-қизлар ўртасида меҳнат миграцияси, унинг қонунчилик асослари, ноқонуний миграциянинг салбий оқибатлари мавзусида тағибот тадбири бўлиб ўтди.
@guliston_t_press
Бугун 10 февраль куни Гулистон туман ҳокимлиги фаоллар залида Хотин-қизлар ўртасида меҳнат миграцияси, унинг қонунчилик асослари, ноқонуний миграциянинг салбий оқибатлари ва одам савдосига қарши курашиш юзасидан олиб борилаётган ишлар тўғрисида тағибот тадбири бўлиб ўтди.
Тадбирда Ўзбекистон Республикаси Ташқи меҳнат миграцияси бўлими етакчи мутахассиси Н.Қурбонов, Ташқи меҳнат миграцияси агентлиги Сирдарё филиали бошлиғи С.Исраилов, туман ҳокими ўринбосари, хотин-қизлар қўмитаси раиси М.Мустафақулова, Гулистон туман ИИБ Миграция бошлиғи Ш.Сулаймонқулов, ФЎЎБОФМБК раисининг биринчи ўринбосари М.Мирзараимовлар ҳамда маҳаллалардаги хотин-қизлар билан ишлаш бўйича мутахассислари ва маҳаллалардаги мавзу юзасидан муаммолари бор хотин-қизлар ҳам иштирок этишди.
Тадбирда сўзга чиққанлар, хотин-қизларнинг меҳнат ҳуқуқларини ҳимоя қилишни таъминлашга оид муаммоларни бартараф этиш борасида яна изчил ҳамкорликни йўлга қўйиш зарурлигини эътироф этдилар. Тадбирда иштирок этган хотин-қизлар ўзларининг қизиқтирган саволлар ва муаммолари юзасидан тегишли тавсиялар олдилар.
Туман ҳокими ўринбосари, ҳотин-қизлар қўмитаси раиси М.Мустафақулова мазкур ишларни амалга оширишда туман Хотин-қизлар қўмитаси ҳамкор ташкилолтлар билан ҳамиша изчил ҳамкорлик қилишга тайёр эканлигини маълум қилди.
Гулистон тумани ҳокимлиги ахборот хизмати