Гулистон шаҳридаги эски бозор худуди нима сабабдан ёпилганлиги юзасидан

Жорий йилнинг 22 июнь куни, Гулистон шаҳридаги кийм-кенчак (ёйма) бозорида тадбиркорлик фаолиятини олиб бораётган 10-15 нафар аёллар бозор худуди нима сабабдан ёпилганлиги юзасидан вилоят ҳокимлигининг қабул хонасига мурожаат қилишган. Ушбу ҳолат дарҳол шаҳар ҳокими Т.Дадабаев, ҳамда қолган сектор раҳбарларининг назоратига олиниб, фуқароларга қўйидагилар тушунтирилди.

Жумладан, Гулистон шаҳар хокимлиги, Сирдарё вилояти Санитария эпидемиологик осойишталик марказининг 2020 йил 21 июндаги №05-6/830 сонли хатида, Гулистон шаҳрида касаллик тарқалиш ҳавфи юқори эканлиги ҳамда “Қизил” худудга киритиш режалаштирилаётгани айтиб ўтилган.

Шу муносабат билан Гулистон шахрида жойлашган эски бозор худуди яъни Сайхун кўчаси 1-бино, 1-қаватида жойлашган телефон аксессуарлари устахонасининг 2 нафар ходимида коронавирус инфекцияси аниқланган, яъни вилоят уларга СЭО маркази томонидан бирламчи ташхис қўйилиб, коронавирус инфекцияси аниқланган. Ҳозирги кунда улар тўлиқ уй карантинига олинган.

Шу муносабат билан Эски бозор худудида, шахар хокимлиги, ИИБ органлари вакиллари, шахар ободонлаштириш бошқармаси, тоза ҳудуд ДУК, шахар СЭО маркази ва бозор маъмурияти билан ҳамкорликда душанба куни тозалик куни ва коронавирус инфекциясини олдини олиш мақсадида кенг қамровли тозалаш ва дезинфекция ишларини амалга ошириш учун вақтинча ёпилиши режалаштирилганлигини маълум қиламиз. Агарда, Гулистон шаҳри “Қизил” худудга киритилиши тасдиқланмаса, бозорлар ўз фаолитини қайта давом эттиради. 

Гулистон шаҳар ҳокимлиги Матбуот хизмати