Тадбиркорлик субъектларини қўллаб-қувватлашда барча имкониятларни ишга соламиз
@t.me/GulistanUzЖорий йилнинг 27 май куни, Гулистон шаҳар “Хумо” савдо мажмуаси худуда шаҳар Давлат солиқ инспекцияси бошлиғи Ж.Ражабов томонидан аҳоли ва тадбиркорлар иштирокида, тадбиркорлик субъектларини қўллаб-қувватлашга бағишланган урашув ўтказилди. Учрашув давомида Ўзбекистон Республикаси Президентининг 2020 йил 18 майдаги ПФ-5996-сонли фармонига асосан, Коронавирус пандемиси даврида карантин қоидаларига тўлиқ амал қилган ҳолда, тадбиркорлик фаолиятини белгиланган тартибда олиб бориш тўғрисида тегишли тушунчалар берилди. Жорий йилнинг 1 июнидан 1 сентябрьга қадар мол-мулк солиғи ва ер солиғи тўлашдан озод этилган кичик тадбиркорлик субъектлари тўғрисида яна бир бор эслатиб ўтилди.
Булар: бозорлар ва савдо комплекслари, кинотеатрлар, умумий овқатланиш корхоналари, жамоат транспорти корхоналари, спорт-соғломлаштириш муассасалари, такси хизматлари, маиший хизматлар кўрсатиш, биноларни, шу жумладан банкетлар ўтказиш учун ижарага бериш фаолияти билан шуғулланувчи юридик шахслар.
Қолаверса, бугунги кунда тобора ривожланиб бораётган онлайн касса апартини ишлаш тартиби ва ушбу тизимни қулайликлари тўғрисида сўз юритилди. Унга кўра, амалга оширилган харидлар тўғрисидаги маълумотлар тўғридан-тўғри банк базасига келиб тушади.
Шунингдек, учрашув иштирокчилари ўзларини қизиқтирган барча саволларига жавоб олиш имкониятига эга бўлишди. Таъкидлаш жоизки, тадбиркорлик субъектларини қўллаб-қувватлашга қаратилган учрашувларни ҳар ойда 3-4 маротаба ўтказиш режалаштирилган.
Гулистон шаҳар ҳокимлиги Матбуот хизмати