Гулистон шаҳрида Республикамиздаги ягона кўприк устидаги рангли фаввора ишга тушди.
https://t.me/GulistanUz
Мустақиллигимизнинг 28 йиллиги муносабати билан бугун Гулистон шаҳрининг Боғишамол ҳамда Бўстон МФЙларини боғлаб турувчи кўприк бўйлаб Ўзбекистонда биринчи рангли фаввора ишга туширилди. Унга вилоят ҳокими Ғ.Мирзаев ҳамда шаҳар ҳокими Т.Дадабаев ташриф буюрдилар. Фаввора атрофи сайр қилувчилар билан гавжум. Тунги вақтлари турли рангларда жилоланиб, кишига олам-олам завқ бағишлайди. Узунлиги 70 метрли кўприк атрофидаги фаввора остига 60 донадан умумий 120 дона турли ранглар ҳосил қилувчи галогенлар жойлаштирилган. Фавворанинг ранг берувчи техникаларининг қурилиш ишлари "Сирдарё автойўл АЖ" ҳамда шаҳар ободонлаштириш бўлими билан ҳамкорликда амалга оширилди. Халқимиз бекорга айтмаган: сув инсоннинг ғуборини олади. Президентимиз таъкидлаганидек, ободлик кўнгилдан бошланади.
Гулистон шаҳар ҳокимлиг
матбуот хизмати