Futbol

Ektor Kuperning O`zbekistonga kelishida davlatimiz rahbari Sh.Mirziyoevning hissasi bormi?

Kecha 6 - avgust kuni O`zbekiston terma jamoasi bosh murabbiyi etib tayinlangan argentinalik mutaxassis Ektor Kuper ishtirokida matbuot anjumani tashkil etildi.

Argentinalik mutaxassis terma jamoani boshqaruvini qo`lga olishga qadar bosib o`tilgan yo`l haqida gapirib o`tdi.

«Meni juda ajoyib tarzda kutib olishdi. O`zbekistonga kelganimdan juda ham xursandman. Bu erga kelib, terma jamoa bosh murabbiyi sifatida ishlay boshlashimga nafaqat federasiya rahbariyati, balki bevosita davlat rahbarining ham alohida hissasi bor deb bilaman», - deya Ektor Kuperning so`zlaridan iqtibos keltiradi "Xalq so`zi" nashri.

Bundan tashqari Ektor Kuper terma jamoadagi rejalari borasida gapira turib, birinchi navbatda ishni futbolchilar, umuman futbolga aloqador barcha kishilar, narsalar bilan tanishib olishni maqsad qilganini aytdi.

Yuqorida keltirilganidek  yurtboshimiz barcha sohalar singari futbolga ham aloxida etibor berayotgani millionlab o'zbek futboli ishqibozlari uchun quvonarli hol. Insha allox bizning terma jamoamiz ham 27 yillik orzuyimizni ro'yobga chiqarib Qatar-2022 ga yo'llanmani qo'lga kiritib munosib ishtirok etsin...