Futbol

Kutib oling Ektor Kuper 6-avgust kuni Toshkentga keladi

Avvalroq futbol bo‘yicha O‘zbekiston terma jamoasini argentinalik Ektor Kuper boshqarib borishi mumkinligi haqida xabar berilgandi. Ammo haligacha O‘zbekiston futbol assotsiatsiyasi argentinalik mutaxassis bilan kelishuvga erishgani haqida rasmiy ma’lumot berilgani yo‘q.

“Championat.asia” nashri kecha, 31-iyul sanasida O‘FA xalqaro aloqalar bo‘lim boshlig‘i Diyor Isomiddinov Ektor Kuper va uning vakillari bilan uchrashish uchun Ispaniyada bo‘lib turgani haqida xabar  tarqatgan edi.

Bugun esa nashr Kuperning 6-avgust, dushanba kuni O‘zbekistonga kelishi haqida ma’lum qildi.

Ma’lumot uchun Ektor Kuperning so‘nggi jamoasi Misr terma jamoasi edi. 62 yoshli mutaxassis misrliklar bilan JCh—2018 dagi muvaffaqiyatsiz ishtirokdan so‘ng iste’foga chiqarildi.

Bunga qadar argentinalik murabbiy Argentinaning “Urakan”, “Lanus”, Ispaniyaning “Malyorka”, “Valensiya”, “Real Betis”, “Rasing”, Italiyaning “Inter”, “Parma”, Turkiyaning “O‘rduspor”, Gretsiyaning “Aris”, BAAning “Al-Vasl” klublarida, Gruziya (2008-2009) terma jamoasida ham faoliyat olib borgan.

Nimaxam derdik O'zbekiston Milliy terma jamoasining yangi horijlik murabbiyining qadami qutlug' kelsin va insha allox biz xam QATARda o'tkaziladigan JCH-2022 musoboqasida ishtirok etaylik...