Ҳаммаси ойдинлашмоқда.

Зидан Роналдунинг кетишини билган

Мадридликлар “Аякс”га мағлуб бўлганидан сўнг жамоа ичидаги муҳит тобора кескинлашиб кетди. Хусусан, Рамоснинг клуб президенти Флорентино Перес билан “айтишгани” ҳам бунинг ёрқин намунаси.

Голландиянинг собиқ футболчи Рууд Гуллит Зиданнинг “Реал”дан кетиши билан боғлиқ вазиятни тушунтириб берди.

“Биласизми, Зидан Мадриддан эртароқ кетиши ҳам мумкин эди. У Роналду билан клубнинг муносабатлари ёмонлашгач, ортиқ у ерда қолиб бўлмаслигини англаб етди. Бу ҳайратланарли ҳодиса эмасди. Билганим шуки, энди у “Реал”га қайтмайди. Ҳаммаси – шу.

Агар клубда Роналду бўлмаса, Зидан ҳам Лопетеги ва Соларининг кунига тушиб қоларди. Кейинчалик унда истеъфога чиқишдан бошқа йўл қолмасди. Сизда Роналду йўқ – шундай қилиб, бир мавсумда 50 ва ундан ортиқ гол йўқ”

Эслатиб ўтамиз, бир неча кун олдин Зайниддин Зидан “Реал Мадрид”ни Криштиану Роналдусиз тасаввур қила олмаслигини айтиб ўтган эди.