Фото:

Үргенч-Шалыш жолының 10-километриндеги көпирдиң бир бөлеги ойылып түсти.

Үргенч-Шалыш жолының 10-километриндеги канал үстинен өткен көпир 1-ноябрь күни түнде ойылған. Мағлыўматларға қарағанда, көпир жүк автомашинасының аўырлығын көтере алмай ойылған. Транспорт қуралы оның үстинен өтип кетиўге үлгерген, жәбирленген адам жоқ.

2-ноябрь күни жағдайына Үргенч-Шалыш жолының 10-километри жаўып қойылған – оннан Хорезм ўәлаятын Қарақалпақстанның Беруний районы менен байланыстырыўшы Әмиўдәрья көпирине өтиўдиң илажы жоқ.

Барлық транспорт қураллары айланба жолларға жиберилмекте. Пуқаралар болса көпирдиң саў қалған бөлегинен өткерилмекте.

«Ҳәзирги ўақытта ойылып қалған көпир жанынан басқа – ўақтынша (кишкенерек) көпирдиң қурылысы баслап жиберилген. Оны 3-ноябрь күни иске түсириў режелестирилмекте. Ойылып қалған үлкен көпирдиң қашан тиклениўи белгили емес», деп хабар бермекте «Kun.uz».

Аўдарма: makan.uz