#Фильм

«ЖАҢАЛАНЫЎ ЖЕДЕЛЛИГИ: ҚАРАҚАЛПАҚСТАН» ФИЛЬМИ 30-АВГУСТТАН БАСЛАП ЭФИРГЕ БЕРИЛЕ БАСЛАДЫ

«Өзбекстан» телерадиоканалы мәмлекетлик унитар кәрханасы дөретиўшилик жәмәәти тәрепинен Қарақалпақстан Республикасы аймағында усы жыл (28-июль ҳәм 5-август) бир ҳәпте даўамында Өзбекстан Республикасы ғәрезсизлигиниң 27 жыллығына бағышланған «Жаңаланыў жеделлиги: Қарақалпақстан» – атамасында арнаўлы ҳүжжетли фильм сүўретке алынған еди.

Бул ҳүжжетли фильмди бүгиннен баслап эфирге бериў режелестирилген.

Бул ҳаққында Қарақалпақстан Республикасы Министрлер Кеңесиниң мәлимлеме хызмети хабар бермекте.

Фильмниң авторы «Өзбекстан» телерадиоканалы мәмлекетлик унитар кәрханасы қурамындағы «Оилавий» телеканалының 1-категориялы редакторы Санемгул Узақбергенова.

Фильм 40 минуттан ибарат болып, монтажлаў жумыслары табыслы жуўмақланып бүгиннен, яғный 30-августтан – 1-сентябрьге шекем төмендеги телеканалларда эфирге бериледи.

30-август. 21:35 – «Өзбекстан» телеканалы

31-август. 18:55 – «Оилавий» телеканалы

1-сентябрь. (күн даўамында) – «Өзбекстан 24» телеканалы

1-сентябрь. (күн даўамында) – «UzHd» телеканалы.

Шоманай, Елликқала, Әмиўдәрья, Беруний районлары ҳәм Нөкис қаласында сүўретке алынған бул фильмде елимизде алып барылып атырған дөретиўшилик, заман талабына сай әмелий жумыслар, инсан мәплери жолында исленип атырған социаллық-экономикалық тараўлардағы қайырлы илажлар, қурылыслар, туристлик потенциалды сәўлелендиретуғын объектлер (тарийхый-мәдений естеликлер, мийманханалар), улыўма Қарақалпақстан Республикасының имиджин жарататуғын унамлы көринислер бериледи.

Қарақалпақстан хабар агентлиги