ТерДУда фестивал меҳмонлари билан учрашувлар давом этмоқда
🎓@TERDU340
Айни вақтда давом этаётган Халқаро бахшичилик фестивали шукуҳи Термиз давлат университети жамоаси қалбларига кўчган.
Жамоа аъзолари ҳар куни чет эллик ва республикамиздан ташриф буюрган меҳмонлар билан учрашувлар, концерт дастурларини уюштиришмоқда.
Жисмоний маданият факультети талабалари учун Қорақалпоғистон Республикасидан ташриф буюрган бахшилар билан ижодий учрашув ташкил этилди.
Унда Қорақалпоқ бахшичилигининг ўзига хос жиҳатлари, бугунги кунда мазкур санъат асарига қаратилаётган эътибор, ташкил этилган фестивалнинг аҳамияти каби мавзуларда сўз юритилди.
Бахшилар ижросидаги термалар иштирокчиларга кўтаринки кайфият улашди. Қадим тарихдан сўзловчи наволар талаба-ёшларни мозий билан юлаштиргандай бўлди. Якунда меҳмонларга эсдалик совғалари улашилди.
