Фельдшер

Кәсіптің сипаттамасы

Фельдшер пациенттерді емханада, денсаулық сақтау пунктерінде, не болмаса, жүгіну түскен орынға барып та қабылдай береді. Оның басты міндеті – пациенттің хал-жағдайын анықтау, диагноз қою, кідіртуге болмайтын алғашқы медициналық көмек көрсете білу. Жинақтаған көп кәсіби тәжірбиесінің арқасында фельдшер операция жасауда, анализ және зерттеулер жүргізген кездерде, түрлі медициналық құжаттарды жүргізу барысында дәрігердің ассистенті бола алады.

Кәсіптің ерекшелігі

Жұмыс ағымы адамдармен тығыз байланыста өтеді. Фельдшердің жұмысы күйзеліске түсу мен физикалық ауыртпашылықпен байланысты.

Талап етілетін қасиеттер

Фельдшер маман үшін ең бастысы, пациенттің өмірі мен денсаулығы. Оның жұмысы барысында төтенше жағдайлар көптеп кездеседі. Сондықтан да оған, сезімге бой алдыруға болмайды. Тез әрі жылдам шешім қабылдауы керек. Бұл маманға, әр пациентке өзіндік жол таба білу керек. Әдепті, жылы шырайлы, көпшіл болған абзал. Фельдшерге нормаланбаған жұмыс уақытына дайын болу керек. Оны тәуліктің қай уақытында да пациентті қарауға жұмсалуы мүмкін.

Міндеттері

Пациентті қабылдаудан басқа, фельдшер ауыр халдегі науқасты қадағалап, тұрғындар арасында ауруға шалдығудың өсіп кетпеуін бақылауда ұстайды. Фельдшер маманды әмбебап маман десе де болады. Ол дәрігер тағайындаған ем-домды орындап, екпе жасайды. Тұрмыс жағдайы нашар отбасылардың үй жағдайының тазалығын бақылау да фельдшердің міндетіне кіреді.

Аталған кәсіп бойынша оқытылатын мамандықтар:

• 5В110100 Мейірбике ісі

Кәсіптің сұранысқа иелігі:

Осы мамандық бойынша бітірген түлектер саны (2014-2015 жж.) – 3222 түлек

Дәрігер мамандар үшін бос орындар - 182 бос орын.