Foto lavhalar

Eslatib o‘tamiz, o‘tgan safargi uchrashuvda unga Farg‘ona politexnika institutining “faxriy o‘qituvchisi” maqomi berilgan edi.

—  Inson qachon o‘zini o‘zgartirib to‘g‘ri maqsad qo‘ya olsagina o‘ylagan niyatiga yetadi. Buning uchun albatta ilm olish va ko‘proq kitob mutolaa qilish darkor. Orangizda kitob o‘qiydiganlardan ko‘ra kino ko‘radiganlar soni ko‘p, bu sir emas. Biroq, bu odatlar o‘rnini almashtirish kerak. Mendan ko‘pincha kimdan ruhlanasiz yoki motivasiya olasiz deb savol berishadi. Shunda men: agar yaxshilab kuzatilsa, har bir insondan ruhlansa bo‘ladi. Men o‘z sohasining professionallaridan, ya’ni, bir sohani mukammal egallab, o‘sha soha uchun jonini fido qilish darajasiga kelgan, soha vakillaridan ruhlanaman. Meni ruhlantiradigan insonlar juda ko‘p, masalan otam, hayotdagi, o‘qishdagi ustozlarim, shogirdlarim. Muhimi o‘zingizga ishonib, olg‘a qadam tashlash,— dedi institutning “faxriy o‘qituvchisi” Muhammadali Eshonqulov. 

Bugun axborot texnologiyalar asri kundan-kunga rivojlanib, sayqallanib bormoqda. Butun dunyo 5Gga qarab boryapti. Kim o‘z biznesini, o‘z ishini bu soha bilan bog‘lay olmas ekan, ming afsuslar bilan aytaman, sekin-asta u sohadan chiqishga majbur bo‘lib qolish ehtimoli bor.