Telegram асосчиси АҚШда судга чақирилди.
🌐OLTIARIQ_TV》》》》》
Telegram асосчиси Павел Дуров Gram криптовалютаси иши бўйича Америка судига чақирилди. Бу ҳақда РБК хабар қилди.
Жаноб Дуров 2020 йилдаги 7–8 январь кунларидаги суд мажлисига чақирилган. Суд жараёнларида Дуровдан ташқари Telegram вице-президенти Илья Перекопский ҳамда компания мутахассиси Шьям Парехлар ҳам иштирок этишади.
Маълумки, Telegram мессенжери компания учун ҳеч қандай тижорий фойда келтирмайди. Шунинг учун ширкат Telegram базасида – TON (Telegram Open Network) блокчейн платформасида Telegram алгоритмига асосланган Gram криптовалютасияратишни режалаштирган эди.
31 октябрь куни ICO’си бўлиши керак бўлган Gram АҚШ қимматли қоғозлар ва биржалар бўйича Комиссияси томонидан судга берилганлиги туфайли “чиқмай қолган эди”.
ICO (инглизча Initial Coin Offering бирикмасининг қисқартмаси) криптовалютанинг илк бора омма эътиборига тақдим этилиши. Бунда инвесторлар янги криптовалюта сотиб олиш орқали унга маблағ киритадилар.