ddd

Ўзингиз учун ишлашни бошланг.

 Агар сиз пулни кетидан қувишни тўхтатиб ёки пулни назорати остидан чиқиб, бойиб кетишни истасангиз-ўзингиз учун ишлашни бошланг! Ўзингиз учун ишлашни бошлаш учун аввало ўзингизга  ҳақиқатан ҳам қизиқ бўлган соҳани танланг. Шунингдек, иш билан бизнесни ажратиб олиши керак. Қандайдир касбни эгаллаб, бир жойда ишлаб ойлик маош олаётган бўлсангиз, ишдан бўшаш шарт эмас. Айтайлик сиз банк ходимисиз- бу сизнинг иш жойингиз, лекин шу билан биргаликда кўчмас мулкни олди- сотди савдоси билан шуғуллансангиз-бу сизнинг бизнесингиз бўлади. Роберт ўз бизнесини бошлаш жараёнида айнан шундай йўл тутган. У катта корпорацияда ишлаган ва шу билан бирга активларни сотиб олиш билан шуғулланган. Ўз ишингизни бошлаш дегани, алоҳида бир компания ташкил этишни англатмайди. Кўпинча одамлар ойлик иш ҳақи олиб ишлаётган жойини, ўзини бизнеси деб ҳисоблайди, бу нотўғри тушунча. Роберт ўз китобида McDonalds корпорация эгаларидан бири Рей Крок қандай қилиб ишда ҳам, бизнесда ҳам муваффақиятга эришганлиги ҳақида мисол келтирган. Рей Коркнинг асосий иши  гамбургер сотувини ривожлантириш бўлган. Лекин, Рей Корк шу билан бирга ўз бизнесини йўлга қўйган. У McDonalds учун шахобчаси танлашда гавжум кўчалар, серқатнов чорраҳаларни танлаган, чунки унинг бизнеси кўчмас мулк сотиб олиш бўлган. Бутун дунёда шахобчага эга McDonalds ҳозирги вақтда энг катта кўчмас мулкка эгалик қилади.

 Ўз бизнесингиз ҳақида ўйланг дегани активни кўпайтириб, унинг асосини бақувват қилиш назарда тутилади. Активингизга оз-оздан қўшилса ҳам у сизнинг фойдангизга ишлайди. Активингиз кўпайгандан кейин автомашина, уй ва бошқа қимматбаҳо жиҳозлар сотиб олишга ҳаракат қилинг. Ён атрофингиздаги бой оилаларга аҳамият беринг, улар қимматбаҳо нарсалар харид қилишса ҳам, камбағал бўлиб қолмайди, чунки улар бу нарсаларни активларида сотиб олишади. Камбағал ва ўрта хол оилалар қимматбаҳо нарсаларни биринчи навбатда ва энг ачинарлиси қарзга сотиб олишади. Робертнинг сизга бермоқчи бўлган маслаҳати шундан иборатки, вақтингизни бекорга сарфламасдан, активингизни йиғиб, инвестиция қилиб бизнесингизни бошланг. Шунда сиз бойлик томон қадам ташлаган бўласиз.  Бу йўлда сизни катта мукофотлар кутади.

 Бизнес бошлагандан кейин солиқ тизими қандай ишлашини биласизми? Роберт бизнес билан шуғулланган мамлакатда солиқ тизимини ўзига яраша қалтис томонларини билишни хоҳласангиз. Шунингдек, солиқ бўйича Робертнинг фикри сизни қизиқтирса, кейинги сафар биз сизга тушунтиришга ҳаракат қиламиз.