DD
8th Sept 2020 Chanchin Thar (DDNEWS)
Chief Minister Zoramthanga release 2020 Chapchar Kut post souvenir 'Nghilhloh Bu':
Nghilhloh Bu, kum 2020 Chapchar Kut post souvenir chu vawiin khan Chief Minister Pu Zoramthanga'n CM Conference Hall-ah a tlangzarh.
Chief Minister chuan Chapchar Kut chu mizo hnam min thuikhawmtu pawimawh tak a ni a ti a, Hnam zia chu midang tih dan la a pawlhdal lam nilovin, amaha \hanga hma a sawn zel angin hnam ziarang phochhuahna ber Kut kan lawm dan pawh hian hma a sawn zel a, state dang leh ram danga kan unau te tan pawha chhim man hla leh zuala siam a pawimawh a ni a ti. Chief Minister chuan Mizo hnam ziarang leh nunphungah hian midang tan entawntlak tak tak a awm thu a sawi a. Tun Covid hrileng karah pawh state dangte nen khaikhin chuan Mizoram chu hma la tha ber a ni a. Hei hi a chhan pawimawh tak chu mipui tanrualna leh tlawmngaihna te, inthununna nei tha kan nih vang nia a rin thu a sawi a ni.
Chapchar Kut 2020 souvenir tlangzarh takah hian thuchah leh kumina Mizoram hmun hrang hrangaChapchar Kut lawmna hlimthla engemawzat dah a nih bakah mi hrang hrang thuziak article 13 dah a ni.
//////////////////////
9 new positive case in Mizoram,13 discharged:
Darkar 24 chhungin Mizoramah Covid-19 hri kai thar 9 hmuh belh a ni a, enkawl dam 13 chhuahtir an ni.
Nimin khan ZMC ah sample 366 endik niin , heta tang hian hri kai 6 hmuhchhuah a ni a. Rapid Anntigen Test hmangin hri kai 3 hmuh chhuah a ni bawk. ZMC a hri kai hmuhchhuah te hi Aizawl leh Kolasib District ami , pathum veve niin, Aizawl district ami positive te hi Mizoram Police, Beraw CCC a security duty an ni a, Armed Veng South a cheng kum 21 & 25 a upa leh Hualngohmun a cheng kum 27 a upa te an ni a, taksaa natna lang chhuak lo vek an ni.
Kolasib Dist a positive te hi North Chaltlang khua a cheng hmeichhe naupang kum 2 mi, Tripura atanga lo kir, Quarantine Facility a awm mek leh Assam lam mi, mipa ve ve, kum 45 & 52 a upa Thingdawl Quarantine Centre a awm mek an ni a, taksaa natna lang chhuak lo an ni bawk.
Kolasib district-ah Rapid Antigen Test hmanga COVID-19 positive hmuhchhuah thar 2 awmin, Tripura leh Tamil Nadu ami, lirthei khalhtute an ni a. Mipa ve ve kum 20 leh 23 a upa, Vairengte checkgate a test an ni a, COVID-19 symptoms nei lo an ni.
Serchhip district-ah Rapid Antigen Test hmangin hrikai 1 hmuhchhuah a ni bawk a, mizo sipai, (Assam Regiment) Jammu & Kashmir atanga chawlh la a lo haw, Chhingchhip Mualpui a cheng, kum 24 a upa niin COVID-19 symptoms a nei lo bawk.
Vawiin lam khan Hri kai 13 enkawl dam chhuah tir an ni a , enkawl dam tak te hi ZMC atangin mi 7, Lawngtlai ami 1 leh Darlawn ami 5 an ni a. Heti hian tun dinhmunah Mizorama hri kai tawh zawng zawng chu 1123 niin, hri kai 745 enkawl dam an ni tawh a, hri kai mek 378 la awmin , thi an la awm lo.
////////////////////
MPYCC demands explanation from State Govt reguarding costly purchase of Wireless Radio System:
Congress thalai pawl, MPYCC chuan Hripui dona kawnga hman tur Wireless Radio System, sawrkarin to uchuak taka a lei chu tenawm an tih thu leh duhsak zawngte vulhna nia an ngaih thu an sawi.
Nimin a Mizoram sawrkar Health & Family Welfare Dept in ramri a duty te hman atana Wireless Radio System an lei chungchang an sawifiahna chu Congress thalai chuan tenawm an tih thu vawiina an thuchhuah ah an tarlang a. MPYCC chuan Health Dept in Wireless Radio System supply thei tu awmchhun nia an sawi B.L Wireless System, Ramhlun Venglai in Cheng 12,40,000 a a pek chu to uchuak an tih thu leh a man dik tak chu sawrkarin a leina aia tlawm fe a nih thu tarlangin, hripui leng denchhena a ruka rala sum siam nana Mizoram Sorkarin hma a la fo chu thil tenawm tak a ni tiin, Mi tamtakin mahni thla khat hlawhte hripui do nana an pek laia, hetianga hlep tam uchuak taka a ruka Sorkarin mimal hnena Wireless Set a lo supply-tir hi mipui zah lohna leh hripui denchhena duhsak zawngte vulhna a ni tih chiang takin a pholang an ti .
Hei bakah hian MPYCC chuan Mizoram Sorkarin mipui thawhkhawm CM's Relief Fund a\angin mipui zirtirna thleng phak lo tur, Pamphlet cheng nuai 10 lai senga tute emaw a lo siamtir tawh thu leh , AYUSH hnuaiah vek cheng nuai 10 seng bawkin a lo siamtir leh chu an dem thu leh sawrkar chu insawifiah tura an phut thu an thuchhuah ah an tarlang a ni.
////////////////////
Mizoram BJP State Executive Virtual Meeting held today:
BJP National General Secretary Ram Madhav chuan Prime Minister Modi-a hmalakna in India mipui mitin a huam laiin , Mizorama MNF sawrkar chuan Mizoram Mipui a huap zo lo hle a, MNF Party mi te pawh a huap kim lo hle a ni a ti .
Vawiin khan biakhmuhtheihna kaltlangin Mizoram BJP State Executive Virtual Meeting chu State President Pu Vanlalhmuaka kaihhruaina hnuaiah neih a ni a. Meeting ah hian BJP Central Office atangin National General Secretary Ram Madhav, MP, National General Secretary Bhupendra Yadav, National Secretary ,Satya Kumar, leh Mizoram incharge Pawan Sharma te an tel a ni. He hunah hian National General Secretary Ram Madhav chuan Mizoram Politics dinhmun te leh hripui leng mek a Sawrkar laipuiin Mizoram sawrkar sum a pek dan te a sawi a. Prime Ministe Narendra modi hmalakna ten ram pum mipuite a huap zawh em em laiin Mizoram MNF sawrkar hmalakna erawh chuan Mizoram mipui a huap zo lo hle a ni tiin, MNF sawrkar chu a daih rei a rinloh thu leh BJP telna sorkar Mizoramah a pian ngei tur thu a sawi a ni.
///////////////////////
Self-Support Union released Mizoram Information Directory 2020:
Mizoram Information Directory 2020 chu vawiin khan Zirlai mahni inhlawhfa a inchawm pawl Students’ Self-Support Union ten Aizawl Press Club-ah an tlangzarh.
Mizoram Information Directory 2020 tlangzarhtu, khuallian I&PR Minister Pu Lalruatkima chuan SSU buatsaih Mizoram Information Directory chu Mizoram mipui leh Sorkar Pisa hrang hrangte’n tangkai taka an hman a duh thu a sawi a. SSU chu zirlai mahni intodelh tum pawl an nihna anga zirlaite inhlawhna atana an hmalakna ropui a tih thu a sawi a ni.
Directory tlangzarhna hun hi Mizoram Information Directory 2020 Organising Chairman, C. Lalremruata'n kaihhruaiin
, SSU General Secretary Darhmingliana'n report a pe a ni.
///////////////////
Bee house distributed to Khawzawl Urban Cluster beekeepers:
Shyama Prasad Mukherji Rurban Mission 'SPMRM' hnuaia Khawzawl Urban Cluster khaw pakua-a Khuaikhawi tute hnenah khuaibawm sem a ni.
Khawzawl BDO Office-a Khuaibawm semna ah hian Khawzawl Urban Cluster Khaw 9 Arro, Tualpui, Chawngtlai, Neihdawn, Hmuncheng, Vankal, Ngaizawl, Khualen, leh Tualte a Khuai khawitu 48 hnenah khuaibawm 336 sem a ni a, khuai khawitute hnenah hian Technical Assistant Juniper Lalengzami'n khuaibawm siam dan leh a nihphungte a hrihfiah a. BDO
Dr.Saithangpuia pawhin khuaikhawitute chu thahnemngai tak a Sawrkar Scheme kal lai mek hlawhtlinna tura hmala turin a sawm a, khawizu hral tlak siam tura hmalak mek dan te, bottling & packaging bakah labelling awm thlapa Khawzawl Cluster khawizu chu khawpui lian zawk thlenga hralh chhuah theih tura ruahmanna kalpui mek a nih thu a sawi. bawk.
////////////////////////
54 fish farmers from Lunglei have received funds under Blue Revolution Scheme:
Sorkar laipui programme Sangha khawi tu te tharchhuah ti pung tur a hmalakna Blue Revolution Scheme chu Fishery Deptt Lunglei chuan kalpui mekin beneficiary 54 hnenah tanpuina thawhkhatna pek an ni tawh a, tunah hian final installment pe chhuak leh turin ruahmanna kalpui mek a ni.
Dist.Fishery Development Officer(DFDO) Pu Zohmingthanga chuan he Scheme in a tum ber chu Sangha tharchhuah tihpun a ni tih sawiin Blue Revolution Scheme atang hian sangha dil siamna leh a kaihhnawih chi hrang hrang atan , sangha khawi tu te hnena pek tur tanpuina Cheng Nuai 27 vel a awm thu a sawi a. Tunah hian Lunglei khawpui chuanhnuai Nghasih ruamah pawh Sangha dil siamtu hlawhtling tak tak mi 5 vel awmin sangha engemawzat an hralhchhuak tawh a ni.
////////////////////////
Govt Mamit College NSS unit participate in Fit India freedom run:
Tukin zing dar 7 khan NH 44 A, Mamit pengah Govt Mamit College NSS unit buatsaihin Fit India Freedom run neih a ni.
He hun hi Zothanpuii Chhangte Asst Professor PO NSS Unit Govt Mamit College chuan kaihruaiin, Fit India freedom run chu taksa hrisel neih theih nana in zirtirna a nih thu a sawi a, khawvel puma novel coronavirus a len mek lai hian , mahni taksa ti hrisela , natna lo dolet chu thil pawimawh tak a ni tiin, ruihhlo laka mitin an fihlim theih nana he hun hi buatsaih a nih thu a sawi .
/////////////////
Serchhip man succumbed to injuries from electric shock:
Serchhip Chanmari Vengthara cheng T. Lalvulluaia kum 36 chu nimin tlai khan electric currrent in a man avangin a thi.
Thu dawn danin T. Lalvulluaia hian nimin tlai khan an In sak thar bualin chhhung a Washing Machine chiangkuang lo chu a siam a , vawnduaithlak takin washing machie atanga current leak chuan a man a. Bualin chhungah hian a awm rei em avangin a chhungte ngaih thalo, ve thlithlai chuan thichhawngin an va hmu a, Serchhip damdawiin pan pui nghal ni mahse , an thlenpui hmain a hliam tuar lovin a thi a ni.
/////////////////////////
COVID-19 recovery rate reaches 77.65 pct in country
Ramchhungah darkar 24 chhungin Covid-19 vei mi 73,500 chuang enkawl dam an ni a, a vaiin mi nuai 33 chuang enkawl dam an ni tawh a ni.
Khawvelah India hi nikhat thil thua hri vei enkawl dam tamna ber zingah a tel a, tun dinhmunah dam zat hi zaah 77.65 a ni. Hri vei enkawl mek hi zaah 20.65 niin, Health Ministry chuan enkawl mek aiin enkawl dam a let thum chuangin an tam tawh zawk niin a tarlang.
///////
Covid-19 cases
Ramchhungah darkar 24 chhungin Covid-19 vei mi 75,809 hmuhchhuah an ni a, mi nuai 42 chuang hri vei an awm tawh a ni.
Darkar 24 chhungin hri avanga thi mi 1,133 an awm a, thi zawng zawng hi mi 72,775 tling tawhin, thi zat hi zaah 1.70 a ni. Ramchhunga laboratory 668-ah sample vbc 5 chuang test a ni tawh a, darkar 24 chhungin nuai 11 chuang test a ni bawk.
///////
India asserts its commitment to disengagement, de-escalation of situation along LAC in Eastern Ladakh
India sipaiten Ladakh chhak lam, Line of Actual Control, LAC-a boruak sosang tur tiziaawm tura tan an la lak reng thu an tarlang.
India sipaite chuan LAC huamchhunga China sipaite nen an inkara boruak tha lo thleng thei tur lakah tun thlenga an la inven thu an tarlang a, China sipaite zawkin boruak ti sosang thei turin nimin thlenga chetlakna hrang hrang an la neih thu an sawi. Indian Army hotute chuan China sipai hotute nena inremna an siam bawhchhetu-a an tan loh tur thu leh tun thlengin silai hmehpuah emaw, chetlakna dang emaw an nei lo tih sawiin, inremna leh boruak muanawm a awm theih nan hma an lak reng tur thu an sawi a, hetihlai hian ram inpumkhatna leh thuneihna humhim tura theihtawp an chhuah tur thu an sawi a ni.
///////
PM Modi inaugurates Patrika Gate in Jaipur through video conference
Prime Minister Narendra Modi chuan biak hmuh theihna hmangin Jaipur-ah Patrika Gate a hawng.
Jaipur-a hmun lun lai Jawaharlal Nehru Marg-ah Patrika Group of Newspapers hmalakna in Patrika Gate hi sak a ni a, he gate ropui tak hian khualzin tam zawk a hip beisei a ni. He hunah hian Prime Minister Modi chuan Patrika Group Chairman Gulab Kothari lehkhabu ziah 2 a tlangzarh bawk a, Rajasthan Governor Kalraj Mishra, Chief Minister Ashok Gehlot leh mi pawimawh dangte pawh an tel a ni.
///////
Metro services resume from today
Vawiin atangin ramchhung hmun thenkhatah metro tlan tan tir a ni.
Hri leng avanga thla 5 chuang tihtawp a nih hnuah vawiin atangin ramchhung khawpui engemawzatah metro tlan tan tir a ni a, mipuite chu hmaikhuhna leh social distancing ngaipawimawh tura hriattir an ni. Metro leh a chhehvelah chil chhah khap a ni a, dan zawmlo te chu pawisa chawitir an ni ang. Hmun thenkhatah metro hmang turten khawsik an nei em tih enfiah sak an ni a, bultanna hi felfai taka kalpui theih a nih chuan dan pangngaiin metro service dangte zau zawka tlantir thuai beisei a ni.
////////
ED arrests former ICICI Bank CEO Chanda Kochhar's husband Deepak Kochhar in money laundering case
Enforcement Directorate(ED) chuan pawisa chhehrelh thubuaiah ICICI Bank CEO hlui Chanda Kochhar pasal Deepak Kochhar an man.
ICICI Bank CEO hlui Chanda Kochhar leh a pasal Deepak Kochhar te hi dik lo taka Videocon group load an pek danah thu zawhfiah an lo ni tawh a, kumin kumtir lam khan Chanda Kochhar te nupa hian an company NuPower Renewables Pvt. Ltd. leh bungraw dang atangin sum cheng vbc 78 hu an nei tih ED chuan a tarlang a ni.
//////
Typhoon Haishen wreaks havoc in South Korea
South Korea-ah thlipui na tak Typhoon Haishen a tleh avangin chenna In tam tak a chhia a, khawsakphung a khaihlak nasa hle.
Korea Meteorological Administration tarlan danin an ram chhim leh chhak lam huamchhungah thlipui hi darkar khata km 108 atanga km 144 inkara na in tleh a, building thahnem tak a chhia a, chenna in tam takin eng an nei lo bawk a ni. Ulsan, Busan leh Sokcho khawpuiah thlipui tleh avang hian thingkung tam tak a tlu a, sorkar bungrua leh mimal in tam tak chhe bawkin, kawngpuiah tui a tling nasa hle a. Jeju Island-ah pawh thlawhna lut leh chhuak tur tihtawp lailawk a ni.
Typhoon Haishen hi Japan chhimlamah lo tleh tawhin Japan's Fire and Disaster Management Agency chuan mi 30 chuang an hliam tih an sawi a, Hiroshima leh an ram chhimthlang lamah school leh dawr tam tak khar a ni bawk. Thlipui hian North Korea hmarchhak lam a hrut dawn nia tarlan a nih bawk.
///////
International Literacy Day being celebrated across globe today
Khawvel pumah International Literacy Day hman a ni.
Kumin Literacy Day-ah hian hrileng meka zirna leh zirtirna pek kawnga zirtirtute mawhphurhna ngaihpawimawh a ni a, he ni hi mimal leh khawtlangah lehkha thiam tangkaina leh pawimawhna inhrilhhriatna hun atan kumtin hman thin a ni. Kum 1966, Oct ni 26 khan UNESCO chuan September ni 8 hi Literacy Day atan a puang a. A tumkhat nan kum 1967 khan hman a ni.
////////