Дания

Өміріңізде бір рет болсын жұмыс орныңызды немесе қазіргі өмір сүру салтын өзгерту жайлы ойланып көріп пе едіңіз? Егер жауабыңыз оң болса, бұл бөлім сізге арналған! Аталмыш айдарда біз әлемнің әрбір түкпірінде жұмысқа тұру сәтін талдаймыз. Сонымен, бүгінгі бірінші талдау елі ретінде өзінің тұрақтылығымен және өз азаматтарын әлеуметтік қорғау деңгейінің жоғарылылығымен танымал Дания мемлекеті таңдалынды.

Данияда көлік секторы, фармацевтика өнеркәсібі, сондай-ақ ең жоғары технологиялық өндірістер дамыған. Таңғаларлықтай, бірақ өткен онжылдықта орын алған әлемдік дағдарыс бұл елде мүлдем сезілмеді. Дания үкіметінің тиімді экономикалық саясаты мансап сатысымен елдегі экономикалық проблемалар туралы алаңдамай көтерілуге ​​болатындығын көрсетеді.

Жұмыс іздеу барысында қолдануға болатын бірнеше әдіс бар. Осылардың ішіндегі ең қарапайымы - делдалдарды пайдаланып бос жұмыс орындарын іздеу. Сіз Данияның рекрутингтік агенттіктерімен байланыса аласыз және осы жолды таңдаған жағдайда бекерге артық төлемеу үшін келісімшарт талаптарын мұқият оқып шығуыңызға кеңес береміз. Екінші әдісте сіз өзіңіз, өзге адамдардың көмегінсіз жұмыс іздейсіз. Данияда тікелей жұмыс іздеу әдісі өте тиімді. Жұмысқа орналасу кезінде әрқашан бетпе-бет сөйлесу артықшылығы болып табылады. Осылайша жұмыс іздеуші өзін жақсы жағынан көрсете алады және жергілікті жұмыс берушімен өзі үшін тиімді шарттармен еңбек шартын жасай алады.

Интернетті пайдала отырып Корольдікте жұмыс табу үшін келесі ресурстарға жүгіне аласыз:

·      jobnet

·      jobindex

·      stepstone

·      ofir

·      nyidanmark

Сонымен, тәуекелге бел буып, бүкіләлемдік желіде жұмыс тапқан жағдайда кем дегенде 2000 евро үнемдеуге мүмкіндік аласыз, яғни Данияда жұмысқа орналасу үшін компаниядағы делдалға төлеу керек емес. Мамандандырылған сайттарға жүгінетін болсақ, сіз ондаған азды-көпті бос жұмыс орындарын зерттей аласыз, сондай-ақ оларға түйіндемені жібере аласыз. Түйіндеме ақпаратқа мол болуы тиіс, Данияда жоспарланған жұмысқа орналасу мамандық бойынша алынған білімді және мамандандырылған жұмыс тәжірибесін егжей-тегжейлі сипаттаңыз. Түйіндеме ағылшын, дат немесе неміс тілдерінде дайындалған болуы қажет.

Даниядағы төмен жалақы - сағатына 10 еуро. Даттықтар әдетте бір сағаттық жұмысқа кем дегенде 12-14 еуро төлейді. Сонымен қатар, заңнамалық деңгейде төмен жалақыға арналған сомманың жоқ екенің атап өту қажет. Көптеген мәселелер жұмыс берушілер мен кәсіподақ филиалдары арасындағы келісімдермен реттеледі. Әр түрлі кәсіп өкілдерінің орташа табысы келесідей (айына еуро):

• дәрігер – 9290;
• инженер – 7420;
• юрист – 8095;
• программист – 7200;
• ғалым – 7200;
• ауыл шаруашылығындағы маман – 3940;
• докторантура тәмамдаған мұғалім — 6000 және одан жоғары.

Егер жұмысқа рұқсат алынып, еңбек келісімшарты жасалған болса, онда оның негізінде виза алу қажеттілігі туындайды. Мұны өз еліміздегі Корольдіктің дипломатиялық өкілдігіне хабарласу арқылы жасауға болады. Құжаттарды қарау мерзімі 7 жұмыс күнінен 2 айға дейін созылады. Бірақ егер болашақ қызметкер Данияға сұранысқа ие мамандықтың иегері болса, бұл үдерісті айтарлықтай жеделдетуге болады. Олардың қатарына денсаулық сақтау саласының мамандары, ІТ қызметкерлері және әр түрлі саладағы академиктер кіреді. Виза алу мерзімі бір аптаға созылады және оның құны 90 еуроны құрайды.

Дания үкіметі тұрақты тұруға мамандарды тарту үшін Green Card деп аталатын белгілі бір жүйені қолданады. Бағдарламаға қатысу және тұруға рұқсат алу үшін адам нақты тұратын елінде тестілеуден өтуі қажет. Бұл мүмкіндікке ие болу үшін сізге ең көп ұпай санын, яғни жүзді жинау қажет. Green Card алу барысында жас, мамандық, жұмыс тәжірибесі, білім (диплом) және дат тілін білу деңгейі сынды критерийлер маңызды. Сонымен, дат тілін білу және сұранысқа ие саланың маманы болу бағдарламаны жеңіп алу мүмкіндігін арттырады. Бұл бағдарлама жұмыс іздеу құқығымен Данияда үш жыл болу мүмкіндігін алуды қарастырады.