Хоразм вилояти: "Ёнғинни ўчириш жараёнида уй эгаси 1941 йилда туғилган..."
@Jinoyatlar
2019 йилнинг 27 январь куни Хоразм вилоятининг Хива тумани, Гандимён маҳалласидаги Жаннатмакон кўчаси 52-уйда ҳам ёнғин содир бўлган. Бу ҳақда Ўзбекистон Республикаси ИИВ ЁХББ ОАВ билан ҳамкорлик қилиш бўлинмаси хабар бермоқда.
Ёнғин жойига зудликда 2 та ёнғин ўчириш экипажлари жалб этилган.
Бўлинмалар воқеа жойига етиб келиб, кўрган тезкор ҳаракатлари натижасида ёнғин тўлиқ бартараф этилган. Ёнғинни ўчириш жараёнида уй эгаси 1941 йилда туғилган М.И. тутундан димиққан холда ёнғин хавфсизлиги ходимлари томонидан қутқарилиб, шифохонага юборилган. Ёнғин оқибатида уйнинг 40 кв.метр майдонда томи ва шифт қисми ёниб зарарланган. Ёнғиндан уйнинг 200 кв. метр майдони сақлаб қолинган.
Ёнғиннинг таҳминий сабаби уйдаги электр симларида қисқа туташув.