Фарғона вилояти: "Электр симларда ортиқча юкланиш ёнғинга олиб келди"
@Jinoyatlar
2019 йилнинг 24 январь куни Фарғона вилоятининг Фурқат тумани Томоша МФЙ Томоша қишлоғида жойлашган 19-уйда ёнғин содир бўлган.
Бу ҳақда Ўзбекистон Республикаси ИИВ ЁХББ ОАВ билан ҳамкорлик қилиш бўлинмаси хабар бермоқда.
Ёнғин оқибатида уйнинг 80 кв.метр майдонда томи, шифт қисми ва ички жоҳозлари ёниб зарарланган. Тан жароҳати олганлар йўқ. Воқеа жойига 2 та ёнғин ўчириш экипажлари жалб этилиб, кўрилган тезкор ҳаракатлар натижасида ёнғин бартараф этилган. Ёнғиндан уйнинг 120 кв.метр майдони сақлаб қолинган.
Ёнғинни келиб чиқиш сабаби электр симларида ортиқча юкланишдан ҳосил бўлган қисқа туташув деб таҳмин қилинмоқда.