Андижон вилояти: "Ҳаракатланиб кетаётган “Газель” юк автомобили ёниб кетди"
@Jinoyatlar
2019 йил 24 январь куни Андижон вилоятининг Хўжаобод тумани, Хидирша МФЙ Мундуз қишлоғи Тошкент-Ўш йўналишида ҳаракатланиб кетаётган фуқаро Д.Ғ. бошқарувидаги “Газель” юк автомобили ёниб зарарланган.
Бу ҳақда Ўзбекистон Республикаси ИИВ ЁХББ ОАВ билан ҳамкорлик қилиш бўлинмаси хабар бермоқда.
Ёнғин оқибатида юк автомобилининг мотор, салон қисми ва қисман юкхонасидаги кийим-кечак маҳсулотлари ёниб зарарланган. Ёнғинни бартараф этишга 2 та ёнғин ўчириш экипажлари жалб этилган. Кўрилган тезкор ҳаракатлар натижасида ёнғин бартараф этилган. Тан жароҳати олганлар йўқ. Ёнғинни тахминий келиб чиқиш сабаби юк автомобилининг мотор қисмидаги электр симларининг қисқа туташуви.
Моддий зарар миқдори аниқланмоқда.