Ўғри қайнука

Жорий йилнинг 22 июнь куни вақтинча Навоий шаҳар Ҳосил дала ҳовлида яшовчи 58 ёшли И.Г. ИИБга мурожаат қилиб, шу йил 17 июнь куни номаълум шахс унинг уйига калит танлаш йўли билан кириб, 43 000 АҚШ доллари ва 67 млн. сўм пулларини ўғирлаб кетганлагини маълум қилган. Бу хақида Ўзбекистон Республикаси ИИВ Жамоатчилик ва ОАВ билан алоқалар бошқармаси хабар қилади.

Кўрилган чоралар натижасида ушбу жиноятни аризачи И.Г.нинг қайнукаси 49 ёшли А.И. содир этганлиги аниқланиб, ушланган. Ҳолат юзасидан Ўзбекистон Республикаси Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.