Юк автомобилида ёнғин юзага келди
@Jinoyatlar
2019 йилнинг 10 июнь куни соат 17:05 да Тошкент шаҳар ЁХБ Куч ва воситаларини бошқариш ва мувофиқлаштириш марказига Олмазор тумани ТХАЙ кўчаси “Қорақамиш” канали кўприги устида ҳаракатланиб кетаётган “ЗИЛ-131” русумли юк автомобилида ёнғин содир бўлаётганлиги ҳақида хабар келиб тушган.
Воқеа жойига 2 та ёнғин ўчириш бўлинмалари 4 дақиқада етиб келган ва ёнғинни қисқа вақт ичида бартараф этган. Ёнғин оқибатида юк автомобилининг борт қисми 1 кв.метр майдонда ёниб зарарланган. Юк автомобилидаги ёнғинни ўчиришга уринган йўловчи фуқаро С.С. куйиш тан жароҳати олиб шифохонага юборилган. Автомобиль шинасинининг ёрилишидан газ тизимидаги қувурининг шикастланиши натижасида ёнғин келиб чиқиши тахмин қилинмоқда. Моддий зарар миқдори аниқланмоқда.
Ўзбекистон Республикаси ФВВ ЁХББ ОАВ билан ҳамкорлик қилиш бўлинмаси