Corona virus

Da merz de chësc ann él ince rové te nüsc raiuns l’epidemia Coronavirus, rota fora a Wuhan, tla Cina. N grüm de jënt  se á taché le virus da atres porsones. Te tröc caji él la maratia “Covid 19” gaujada dal virus, nia tan pesocia, mo te valgügn caji dër dassënn y cotanc mëss se lascé medié te ospedal. Un o l’ater röva ince tla terapia intensiva. Do la rata ne él mort cotanc por o cun chësta pandemia, scialdi jënt vedla. I guerns y les istituziuns fej dl döt por limité les infeziuns. Bele dui iadi él gnü stlüt jö döt o in pert les ativités, sciöche les scores, i bars, restoranc, hotí, botëghes, frisers, ufizi y insciö inant. Ti ospedai ne vëgnel nia plü curé dër, atres maraties, deache al ne è nia plü lerch y i doturs sanitars á tan da laur cui paziënc Covid 19.  An ne pó nia plü jí a ciafé paziënc te ospedai y tles ciases de palsa.

Ativités sportives, culturales y soziales mëss in pert gní desdites. La jënt ne pó nia plü se möi sciöche ai uress, ne pó nia se abiné adöm te n tlap y mëss porté la mascura de proteziun söl müs. 

Döt cant á porté a n gran dann economich, spezialmënter chiló da nos por le turism, deache la sajun da d’ invern é gnüda scurtada de n mëis. 

Iö me pënsi sce düc canc se tëgn dër avisa ai decrec di guerns mëss spo nurcaltan se normalisé sta burta situaziun.