Corona Virus
FromBy Lalfakzuala JeromePa HEALTH INFORMATION
CORONAVIRUS Chu Enge Ni? A Lan Chhuahdan Tlangpui Leh Damloa Nghawng A Neihdan China chuan coronavirus an tih mai natna darh mek do dan tur leh he natna hmachhawn tura thil tulte buaipuiin a inbuatsaih mek a ni. He natna mak tak mai hi Wuhan Seafood market atanga hmuhchhuah a ni. Central city of Wuhana hmuh chhuah a nih hnuin mi 17 lai in an thihpui tawha khawvel pumah mi 550 vel he natna kai report an ni tawh bawk. China ah Lunar New Year lawmna nei turin zin veivak an thahnem hle maia hei vang hian mi tam tak an mang ang hle a he virus kai theihna chance pawh asang niin an sawi a ni. Case thar pawh hmuh belh an la ni zel bawk. CORONAVIRUS chu enge ni? World Health Organisation in a tarlan danin coronavirus te hi virus chhungkua zing ami niin hritlang awmna leh khuh atanga in tanin natna hlauhawm zawk Middle East Respiratory Syndrome (MERS) leh natna hlauhawm respiratory syndrome (SARS) a thlen thei tih hriat ani. Heng coronavirus thenkhat te hi ranvulh thenkhatah hmuh a nia mahse, mihringah an kai lo tih hriat a ni bawk. Virus hmuhchhuah thar novel coronavirus hi January ni 7 khan China sawrkar thuneitute chuan hmuchhuakin 2019-nVoC tiin a hming an vuah ta a ni. He natna hi tunhma in mihringah an la hmu lo tih hriat a ni. Engtinnge mihringah a lanchhuah dan? WHO sawidanin he natna kaite hi an thawk a buaia khawsik, khuh leh thawk dan mumal lo leh rang bakah boruak hip luh lamah harsatna an nei tih a tarlang. Case serious zualah phei chuan Pneumonia a thlen theih bakah chuap hnathawh chaklo leh thih nghal tawpna a thlen thei a ni. Expert thenkhatte chuan Coronavirus kan tih hi SARS natna thlentu Coronavirus ang em kha chuan a hlauhawmna a nep zawk niin an sawi ve bawk. SARS avang khan 2002-2003 kum khan mi 800 vel zet an thi a nih kha. MERS kan tih pawh hi a darh lo nain a hlauhawm hle a miin a kai chuan a chung ami ho ang tho khian thihpui tham a ni tho mai. Khawiah nge he natna hi an hmuh chhuah? A tlangpuiin China ramah he natna veite hi an hmu chhuak deuh ber. Tunah hian he natna avanga thi zat hi mi 17 an tling tawh a ni. China bakah Thailand ah mi 4 in an vei tih report a nia, South Korea, Taiwan, Japan leh US ah te mi 1 Conovirus kai hmuh chhuah an ni tawh bawk.
Heng conovirus natna kai tate hi Wuhan atanga an ram lam kir leh tate leh hmanni maia Wuhan lama khawsa an ni tlangpui niin report-na chuan a tarlang.