Binance-ын CEO Чанпен Чжаогын түүх: хэрхэн ТОП-1 криптобирж байгуулсан бэ?

Хятадаас улс төрийн дүрвэгчээр гараад Макдональдсын ажилчнаас томоохон криптвалютын биржийн тэргүүн болох боломжтой юу? Хэрвээ та амжилтанд хүрээд зогсолгүй өөртөө байнга шинэ зорилго тавиад цааш үргэлжлүүлбэл болохгүй зүйл гэж байхгүй юм. Binance крипто биржийн толгойлогч Чанпен Чжао үүнийг баримталдаг ба бид одоо түүний түүхээс өгүүлнэ.

Олон жилийн өмнө

Чанпен Чжао нь Хятадын Цзяньсу мужид 1977 онд багшийн гэр бүлд төрсөн байна. Түүний эцэг эх Хятадын коммунист намын үзэл баримтлалыг дэмждэггүй байсан ба цэргүүд жагсагчдыг танк, галт зэвсэг хэрэглэн тараасан «Тяньаньмэнь талбайн цуст аллага» гэж алдаршсан засгийн газрийн эсрэг эсэргүүцлийн жагсаалд түүний эцэг оролцож байжээ.

Чанпен Чжаогын эцэг эх засгийн газрын мөрдлөгөөс дайжин Канадын Ванкувер хотод шилжин суурьшсан. Тэнд ирээдүйн тэрбумтан сургуульд суралцахын хажуугаар эцэг эхдээ мөнгөөр туслах зорилготой Макдонольдс-д давхар ажил хийж байв. Сургуулиа төгсөөд Монреалын Дээд Сургуулийн компьютерын шинжлэх ухааны танхимд оюутан болов. Чанпен Чжао суралцаж байхдаа биржийн арилжааг эзэмшсэн нь түүний ирээдүйн амьдралын замыг тодорхойлсон юм. Дээд сургуулиа төгссөний дараа Нью-Йоркын хөрөнгийн биржид ажиллан арилжааны захиалгын системыг боловсруулсан байна. Дараа нь Bloomberg-ын санхүүгийн хэлтэст арилжааны талбарын программ хангамж зохиогчийн албан тушаалд ажилд орсон байдаг.

Карьер

Bloomberg-т ирсэний дараа түүний албан тушаал маш хурдтай дээшилж байв. Ердөө дөрөвхөн жил дотор 4 удаа албан тушаал ахисан ба 2005 он гэхэд Лондон, Токио ба Нью-Джерсид байрлах гурван зохион бүтээгчдийн багийг удирдаж байжээ.

Амьдрал нь боломжийн, хангалуун байсан боловч Чжао үүнээс илүү зүйлийг хүсч Bloomberg-ээс халагдан өөрийн хувийн Fusion Systems компаниа нээжээ. Энэ компанидаа тэрээр 8 жилийн турш өмнөхтэйгээ адил төрөл бүрийн биржд зориулсан сервис зохиох ажлаа хийв. Харин 2013 онд Чанпен Чжао өөртөө криптовалютыг нээж Сатоши Накамото үнэнч дэмжигч мэт биткойны white paper-аас эхлэв.

Цоо шинэ ертөнцийг таниж мэдээд Чанпен Чжао гүнзгий судалж эхэлсэн ба энэ сэдвийн бүхий л уулзалт, чуулганд боломжоороо оролцож байв. Ингэж явахдаа тэр биткойн-иисус гэж нэрлэгддэг Роджером Вер ба BTCC крипто биржийн Бобби Ли нартай танилцжээ. Шинэ танилуудынхаа тусламжтай тухайн үедээ олонд танигдаагүй байсан стартап болох Blockchain.info компанид ажилд орсон байна. Blockchain.info-г блокчейн-салбарын гол тоглогч болоход Чанпен Чжаогын оруулсан хувь нэмэрмаш их үүрэг гүйцэтгэсэн гэж үздэг юм.

Чжао 2014 онд тухайн үед хятадын хамгийн том бирж болох OKCoin-д нэгдэн нэг жил ажиллахдаа маш их чухал хүмүүстэй танилсан байдаг. Тухайн биржийн удирдлага түүний биржийг өргөтгөх хэрэгтэй гэдэг санаатай зөрчилдсөний улмаас тэр бирж дээр жил ч бололгүй орхоин явна.

OKCoin-оос явснаас хойш Чанпен Чжао криптовалютыг орхиогүй бөгөөд харин өөрийн биржийг гаргахад бэлтгэв. Чжаогын хэлснээр хамгийн сонирхол татахуйц зүйл бол тэр байшингаа зарж 600$-оор биткойн авсны дараа анхны криптовалют 200$ болж унажээ. Гэвч тэр ърипто ертөнцийг хаяж явсангүй, аж сандран арилжаа хийсэнгүй, өөрийн төлөвлөгөөнөөсөө ч ухарсангүй.

Binance-ыг байгуулав

ICO-төслүүдийн оргил үе болох 2017 онд дансандаа хувиас нь гаргасан 10000$ тойгоор Чанпен Чжао Binance крипто биржийг үүсгэн байгуулав. Шинэ талбарын үндсэн ажилчид нь Чанпены OKCoin-оос урвуулан авсан нөхөд байлаа.

Binance бол ICO-гоор ашиглалтанд орсон анхны бирж бөгөөд 15 сая $ цуглуулж чадсан юм. Амжилтын үндэс нь өөрийн BNB криптовалютыг гаргасанд байдаг ба өөрийн эзэмшигчдэд арилжааны талбар дээр маш өндөр бонус өгөх боломж олгож байв.

Жил хүрэхгүй хугацаанд өдрийн гүйлгээний хэмжээгээрээ дэлхийн тэргүүлэх бирж болж чадсан ба түүний BNB Coin зах зээлийн үнэлгээгээрээ ТОП-20 дотор багтаж байна. Энэ амжилтууд Чанпен Чжаод хангалтгүй байгаа ба одоо Binance өөрийн төвлөрсөн бус биржтэй болох ажлыг хийж байна, Уганда улсад цаасан валютар арилждаг худалдааны талбар нээсэн бөгөөд ийм үйлчилгээг тив бүрт нээхээр төлөвлөжээ. Binance-ын хөгжлийн гол төлөвлөгөө нь биржийг төвлөрсөн бус арилжаачдын нийгэмлэг болгон хувиргах явдал ба тэр нь тусгай блокчейн дээр ажиллах бөгөөд BNB Coin үндсэн криптовалютаар ашиглагдах юм.

Амьдралын зарчим

Төгсгөлд нь түүний амьдралын зарчмаас өгүүлэх ба үүнийг нь крипто нийгэммлэгт хүндэтгэдэг билээ. Нэгдүгээрт- үргэлж, Binance дээр ямар нэг чухал зүйл болвол, ажил гацах, шинэ актив нэмэх буюу охин компани нээх зэрэгт Чанпен хамгийн түрүүнд өөрийн твиттерт мэдээлэл тавидаг ба цаг ямагт холбоотой байдаг ба бүхий л тохиолдолд биржийн үйлчлүүлэгчдийн эрх ашгийг хүндэтгэдэг.

Хоёрдугаарт-Чжао нээлттэйгээр криптовалютуудыг өмөөрхөөс ичдэггүй. Уоррена Баффет биткойн руу дайрч давшлахад түүнийг шүүмжилж Баффет криптовалютын талаар юу ч ойлгохгүй тул тэгэж байгаа гэж шүүмжилжээ. Виталик Бутерин төвлөрсөн биржүүдийг тамд шатахыг хүсэхэд Тэр өөрийн биржийг хамгаалж эелдэгээр Ethereum зохиогчийг чимээгүй болгож байв. Төвлөрсөн биржүүд крипто салбарт хөрөнгө татах зүтгүүр юм, түүнгүйгээр ажил үүнээс муу явагдах байсан гэж тайлбарлаж байжээ.

Өөрийн түүхийг бүтээж буй тэрбумтан Чанпен Чжао гэж ийм хүн байдаг байх нь. Түүх үргэлжилнэ.

Happy24 CLub