BTV
🌏 @BorliqTvМуқобил ҳарбий хизмат учун тўлов миқдори камайтирилди
Сафарбарлик чақирув резервидаги хизматга қабул қилинган фуқаролар жорий йилдан бошлаб тўловни камайтирилган суммада амалга оширади.
Ўзбекистон Президентининг 2018 йилнинг 2 февралдаги Фармони билан сафарбарлик чақируви резервидаги (СЧР) хизматга қабул қилинган фуқаролар томонидан махсус ҳисоб рақамига тўланадиган пул бадали миқдори ўзгарди.
СЧР учун пул бадали жорий йилнинг 5 февралидан бошлаб энг кам ойлик иш ҳақининг 20 баробари, яъни 3 444 800 сўм этиб белгиланди.
Бунгача бадал миқдори энг кам ойлик иш ҳақининг 27,5 баробари, яъни 4 736 600 сўмни ташкил этар эди.
Фармонга мувофиқ, жорий йилнинг февраль-март ойларида туман (шаҳар) чақирув комиссиялари томонидан СЧР хизматига ўтказиладиган чақирув ёшидаги фуқаролар янгидан белгиланган пул бадали миқдори бўйича шартномалар имзолаб, пул бадалларини тўлашлари мумкин.
Икром Раҳмон
Манба: qalampir.uz