Britaniyalik uyida chang bosib yotgan choynakni 1,3 mln dollarga sotdi

•••

Britaniyadagi Dorset grafligida yashovchi erkak uyida yillab chang bosib yotgan eski choynakni million funt sterlingga sotdi. Bu haqda The Mirror xabar bermoqda.

U xonadoniga o‘zidagi buyumlarni baholash uchun Duke’s Auctioneers auksion uyidan ekspert chaqiradi. Mutaxassis tokchadagi choynakni ko‘rsatishni so‘raydi. Choynakdagi ko‘k muhrni ko‘rgach esa, uni batafsil ekspertiza uchun olib ketadi.

Ma’lum bo‘lishicha, choynak qimmatbaho antikvar buyum bo‘lib, 1735—1796-yillar oralig‘ida shaxsan Xitoy imperatori Syanlun uchun tayyorlangan.

Topilma auksionga qo‘yildi va 1,04 million funt sterling (1,3 million dollar atrofida) sotildi.