Шоҳжаҳон Эргашев Грецияда рингга кўтарилади, фарғоналик боксчининг жанг санаси маълум.
🌐OLTIARIQ_TV》》》》》
Профессионал боксда мағлубият ва муросасиз одимлаётган чарм қўлқоп устамиз Шоҳжаҳон Эргашевнинг навбатдаги жанг санаси ва манзили маълум бўлди.
Боксчимизнинг бизга маълум қилишича, у 8 ноябрь куни Грециядаги бокс оқшомида рингга кўтарилади. Ҳозирча Шоҳжаҳоннинг бўлажак жангдаги рақиби маълум эмас.
“Менежерим 8 ноябрь куни Грециядаги бокс кечасида жанг ўтказишимни айтди. Лекин ҳозирча рақибим маълум эмас. Икки-уч кунда бу ҳақда хабар берамиз”, - деди Эргашев olamsport.com мухбирига берган интервьюсида.
Эслатиб ўтамиз, Шоҳжаҳон Эргашев сўнгги жангини (17-жанги) АҚШнинг Оклахома штати Брокен-Арроу шаҳрида мексикалик Абдиель Рамиресга қарши ўтказиб, ўн раундга мўлжалланган жангнинг тўртинчи раундида рақибини техник нокаутга учратганди.