АҚШ ва Россия Федерациясидан ташриф буюрган халқаро кузатувчилар 75-Боёвут сайлов округида бўлишди
@Boyovutliklar
Бугун Боёвут туманида жойлашган Олий Мажлис Қонунчилик палатасига сайлов ўтказувчи 75-Боёвут сайлов округига халқаро кузатувчилар ташриф буюрди.
ЕХҲТ ДИИҲБ (Европада Хавфсизлик ва Ҳамкорлик Ташкилотининг Демократик институтлар ва инсон ҳуҳуқлари бўйича бюроси) экспертлари бўлмиш Америка Қўшма Штатларидан Говард Кантер, Россия Федерациясидан Александр Маминлар округ сайлов комиссияси фаолияти билан яқиндан танишди.
Халқаро кузатувчиларни кутиб олган 75-округ сайлов комиссияси раиси Э.Қўлдошев, ўринбосари О.Бозоров ва комисия котиби Ф.Алимов ташриф буюрганларни округ сайлов комиссияси раиси, ўринбосари, котиб, матбуот ва йиғилиш ўтказиш хоналари билан таништирди ҳамда уларни қизиқтирган саволларга батафсил жавоб беришди.
Шунингдек, кузатувчилар сайлов округи ташкил этилган тилаклар пешлавҳасига ўз тилакларини битиб қолдиришди.
Маълумот ўрнида, бундан олдин Европада Хавфсизлик ва Ҳамкорлик Ташкилотининг расмий веб-сайтида ЕХҲТ Демократик институтлар ва инсон ҳуҳуқлари бўйича бюроси жорий йилнинг 3 декабрида Ўзбекистонда 22 декабрь куни ўтказиладиган парламент сайловларини баҳолаш бўйича миссияни очганлиги хабар қилинган эди.
75-округ сайлов комиссияси Матбуот хизмати