Боёвут тумани ҳокими - 1-сектор раҳбари Ў.Мамадаминов сайлов участкаларидаги тайёргарлик жараёни билан танишди

Боёвут тумани ҳокими Ў.Мамадаминов тумандаги сайлов участкаларига ташриф буюриб, ундаги тайёргарликнинг бориши билан танишди.

Ташрифлар вақтида сайлов участкасида кутилаётган сайловда сайловчилар ва кузатувчилар учун яратилган шарт-шароитлар, ахборот-пешлавҳалар, участка сайлов комиссияларида хужжатлар билан ишлаш аҳволини яқиндан кузатиб, сайлов участка комиссия аъзолари билан суҳбат қилди.

Туманда бу йилги сайловларда сайловчиларнинг овоз беришини ташкил қилиш мақсадида 45 та сайлов участкалари тузилиб, унда сайловчилар сонидан келиб чиққан ҳолда овоз бериш кабинаси ва бошқа зарур  моддий-теник воситалар билан таъминланди.

Ундан ташқари барча сайлов участкаларида сайлов куни овоз берувчиларга кўтаринкилик ва байрамона кайфият улашиш мақсадида янги йил арчалари ўрнатилиб, безатилган.

Ў.Мамадаминов участка сайлов комиссияларининг аъзолари билан суҳбат қилар экан, аввало уларнинг кайфиятлари ҳамда уларда ишчанлик руҳини янада ошириш юзасидан амалга ошириш лозим бўлган тадбирларни амалга ошириш бўйича чора-тадбирлар белгилади.

Бу борада сайлов участкаларига масъул бўлган мутасаддилар томонидан сайлов кунини кўтаринки ва байрамнова руҳда ташкил этиш учун барча чоралар кўрилади.

Боёвут тумани ҳокимлиги ахборот хизмати