Боёвут тумани Кенгашнинг навбатдаги сессияси
@Boyovutliklar
Боёвут туманида халқ депутатлари туман Кенгашининг навбатдаги сессияси бўлиб ўтди.
Сессия ишида туман ҳокимининг қишлоқ ва сув хўжалик масалалари бўйича ўринбосарини вазифасидан озод этиш ва янги номзодни тасдиқлаш, 2020 йилги туман маҳаллий бюджетининг асосий параметрлари ҳамда тумандаги 5 та фермер хўжалигини тугатиш масалалари атрофлича муҳокама қилинди.
Сессия ишини халқ депутатлари туман Кенгаши раисининг ўринбосари О.Исанов очди ва олиб борди.
Раислик қилувчи депутатларни кун тартибидаги масалалар билан таништириб ўтгач масалалар муҳокамасига ўтилди.
Кун тартибидаги масалалар юзасидан тайёрланган қарор лойиҳалари сессия қатнашчилари эътиборига ҳавола қилиниб, барчаси бир овоздан тасдиқланди.
Боёвут тумани ҳокимлиги ахборот хизмати