ТАДБИР: Бугун Боёвут туманида Сирдарё вилояти фавқулодда вазиятлар бошқармаси билан тактик-махсус ўқув машқлари бўлиб ўтди

Бугун Боёвут туманида “Ободонлаштириш ва ички йўлларни таъмирлаш бўйича фавқулодда вазиятлар давлат қуйи тизим хизматларининг ҳамкорликдаги ҳаракатлари” мавзусида тактик-махсус ўқув машқлари бўлиб ўтди.

Машғулотга Сирдарё вилояти фавқулодда вазиятлар бошқармаси, Боёвут тумани йўл хўжалиги пудрат таъмирлаш-фойдаланиш корхонаси, Ички ишлар бўлими, тиббиёт бирлашмаси, туман электр таъминоти корхонаси, “Боёвуттумангаз” филиали ва Ободонлаштириш бошқармасининг куч ва воситалари жалб қилинди.

Машғулот давомида “Дўстлик” маҳалласидаги “Мажнунтол” кўчасининг 700 метр қисми таъмирланди.

Шунингдек, тадбирда истеъмолчиларни барқарор ва узлуксиз электр энергияси билан таъминлаш чораларини кўриш ҳамда электр хўжалиги, авария-тиклаш гуруҳларининг шайлиги кўрикдан ўтказилди.

Боёвут тумани ҳокимлиги ахборот хизмати.