ЭЛГА ЯРАШГАН ЭЗГУ АНЪАНА

Бугун тумандаги “Янгибўстон” маҳалласи “Истиқлол” кўчасида хашар бўлиб ўтмоқда.

Хашар деганда кўпчилигимиз фақатгина ободонлаштириш, тозалаш ёки кўкаламзорлаштиришни тушунишимиз керак эмас.

Йўл, кўприк ёки жамоат фойдаланадиган бошқа иншоотларни қуриш, бутлаш ёки таъмирлашга кўпчилик ўзининг моддий, маънавий ёхуд жисмоний ҳиссасини қўшса буни бемалол хашар дея олишимиз мумкин.

 “Истиқлол” кўчасидаги хашар, айнан кўчани таъмирлаш билан боғлиқ хашардир. Унда туман мутасаддилари, жумладан туман ҳокими Ў.Мамадаминов, туман ИИБ бошлиғи Х.Бекмуродов ҳамда Боёвут тумани йўл хўжалиги пудрат таъмирлаш-фойдаланиш корхонаси билан бирга шу кўчада истиқомат қилувчи фуқаролар ҳам ўз ҳиссаларини қўшмоқда.

Фуқароларни бугун рози қилишимиз керак! Негаки, улар “кўчангиз фалончи йил дастурига асосан таъмирланади”, деган изоҳлардан чарчаган. Ўз навбатида “Истиқлол” кўчасида яшовчи хонадон эгалари ҳам бу йилги қиш мавсумида ўзларига қулай шароит яратилишини ҳис этиб, хашарга ўз ҳиссаларини қўшишга киришди.

Хашар бошлангандан буён 24 машина тош олиб келинди ва текислаш техникалари ҳам жалб этилмоқда.

Шу ўринда бир мулоҳаза юритсак!

- Инсон борлиқни кўзлари билан кўриш орқали ҳис этади. Кўзлар билан воқеликни кузатади, таҳлил қилади ва хулоса чиқаради. Ҳаётидаги жараёнларни – эришган ва эриша олмаган ютуқлари, шунингдек, яшаш шароитининг сабабини ҳам ташқаридан, аниқроғи, ўзгалардан излайди, бошқаларни айблайди. Бу, айниқса, чекка қишлоқларда истиқомат қилаётган аҳолига кўпроқ хос. Раҳбар эса ўзгани тушуниш ва ўз фикрини тушунтира билиш маданиятига эга бўлса, фаолиятидаги кўплаб муаммоларни ижобий ҳал эта олади.

Халққа, хашар, элга ярашган энг эзгу анъана эканлигини тушунтира билиш натижасида тумандаги 600 дан ошиқ кўчалардан бирига тош ётқизилмоқда. Энди ёшу-қари йилнинг ёғингарчилик кунларда лойга ботиб қийналмайдиган бўлди.

Бор-йўғи уч кун олдин мазкур кўча фаоллари билан хашар ўтказиш юзасидан суҳбат қилинган эди. Бугун эса амалий ишлар бошлаб юборилди.

Фуқаролар ушбу кўчани "Дастур"га асосан таъмирланишини кутганида яна бир ёки икки ёғингарчилик фаслида кўчадан юришга қийналган бўлар эди.

Боёвут тумани ҳокимлиги ахборот хизмати