Боёвут тумани ҳокими, сенатор Дилфуза Уралова туман марказидаги бунёдкорлик ишлари билан танишди

Боёвут тумани ҳокими Дилфуза Уралова сектор раҳбарлари ҳамда тумандаги ташкилот-корхоналар раҳбарларидан иборат ишчи гуруҳ ташкил этиб, туман марказидаги бунёдкорлик ишлари, йўл, йўл бўйича инфратузилмаси, ташкилот-идора бинолари, аҳоли хонадонлари ва бошқа объектлардаги бунёдкорлик ишлари билан танишди.

-Боёвут туманидаги бунёдкорлик ишларининг кўлами янада кенгайтирилади. Ҳозирги юмушларимизни, келгуси йилга мўлжаллаган бунёдкорлик ишларимизга мувофиқ ташкил қилишимиз керак!, деди туман ҳокими Дилфуза Уралова ишчи гуруҳ аъзолари билан ўтказилган сайёр йиғилишда.

Боёвут тумани марказига олиб келувчи 4Р-30 автойўлининг 45-49 км.лари оралиғи, жумладан “Тинчлик” шоҳ кўчаси бўйида жойлашган барча ижтимоий инфратузилма объектларини тартибга келтириш юзасидан чора-тадбирлар ишлаб чиқилиб, амалиётга татбиқ этиш бошланди.

Боёвут тумани ҳокимлиги Ахборот хизмати