БУГУННИНГ ЎЗИДА 1000 ТА КЎЧАТ...
@Boyovutliklar
Боёвут туманида "Бир миллион дарахт" акцияси давом этмоқда.
Унда катта йўллардан тортиб, ҳар бир очиқ майдонга манзарали кўчатлар экилмоқда. Бугуннинг ўзида боёвутликлар томонидан яна 1000 дона кўчат экилди. Акция бошидан буён экилган кўчатларнинг сони эса 4000 дан ошди.
Акция доирасида хашарда иштирок этаётган кўнгиллиларга саҳоватпеша фермерлар тушликлар ташкил қилди.
Саҳоватпеша дейишимизни боиси, фермерлар маҳалла раислари билан биргаликда акция доирасида ташкил этилган хашарда қурбонликлар қилиб, таомилга кўра Иккинчи Жаҳон уруши қатнашчилари, кекса-нуроний, уйида ётиб қолган беморлар ҳолидан хабар олдилар. Натижада “Бир миллион дарахат” акцияси “Саҳоват” акциясига уланиб кетти.
Акция бошланишида кексалар дуосини олган фермерларимиз, уйида бетоб бўлиб ётиб қолган ёши улуғнинг ҳам дуосини олишди.
Боёвут тумани ҳокимлиги ахборот хизмати