АКС-САДО: Боёвут тумани мактабларининг юқори синф ўқувчиларига эндиликда абитуриент 10, 11-синф ўқувчилари эмас, балки абитуриентлар деб қаралади

Боёвут тумани мактабларида келгуси ўқув йилида Олий таълим муассасаларига кириш имтихонларига тайёргарлик ҳозирдан бошланди.

Бугун тумандаги19-умумий ўрта таълим мактабида 10 ва 11-синф ўқувчиларини мақсадли олийгоҳларга тайёрлаш мақсадида кўргазмали, амалий семинар ташкил қилинди.

Семинарда мактаб директорлари, 54 та мактабда фаолият юритаётган 11-синф раҳбарлари. Ота-оналардан вакиллар иштирок этдилар.

Семинар иштирокчилари мактабнинг бу борада олиб бораётган ишлари билан яқиндан, жонли равишда танишдилар.

Олдин ижтимоий тармоқларда халқ таълими вазири Шерзод Шерматов томонидан битирувчиларининг биронтаси ҳам олий таълим муассасасига ўқишга кирмаган мактаб раҳбарияти фаолиятига танқидий баҳо берилиши айтиб ўтилган эди.

Унда битирувчиларнинг ОТМлар кириш кўрсаткичи Сурхондарё вилояти Жарқўрғон тумани мисолида таҳлил қилиниб, 61 та мактабдан 8 тасида битирувчиларининг биронтаси ОТМга кирмагани кўрсатиб ўтилганди.

Боёвут тумани ҳокимлиги ахборот хизмати