Боёвут туманида аёллар билан иш олиб борувчи ходимларнинг касбий маҳоратини оширишга қаратилган тренинг бўлиб ўтди
@Boyovutliklar
Боёвут туманида Ўзбекистон Республикасининг "Хотин-қизлар ва эркаклар учун тенг ҳуқуқ ҳамда имкониятлар кафолатлари тўғрисида"ги, "Хотин-қизлар тазйиқ ва зўравонликдан ҳимоя қилиш тўғрисида"ги Қонунлари ҳамда гендер тенглигига доир қонунчилик билимларни мустаҳкамлаш ва улардан аҳоли билан иш олиб бориш жараёнида фойдаланиш методикасини шакллантиришга қаратилган тренинг ўтказилди.
Ўқув машғулот 15 кишидан ортиқ бўлмаган гуруҳ билан, иштирокчилар ўртасида ижтимоий масофа сақланган ҳолда барча карантин қоидаларига риоя этган ҳолда бўлиб ўтди.
Тренинг давомида юқорида таъкидлаб ўтилган қонунларни амалга ошириш тизими ва ҳимоялаш механизмлари амалий машғулотлар ёрдамида мутахассислар томонидан тушунтириб берилди.
Боёвут тумани ҳокимлиги
Ахборот хизмати