Боёвут туманида тузилган Хотин-қизлар жамоатчилик Кенгаши ҳудудларда ўрганишлар ўтказмоқда
@BoyovutliklarҲозирги кунга қадар Боёвут тумани Маҳалла ва оилани қўллаб-қувватлаш бўлими бошлиғининг тавсиясига асосан "Хотин-қизлар ва оилани қўллаб-қувватлаш Республика мақсадли жамғармаси" фондидан туманда тадбиркорлик қилиш истагида бўлган 33 нафар хотин-қизларга 401 млн.сўм миқдорида имтиёзли кредитлар ажратилган.
Туман Хотин-қизлар жамоатчилик Кенгаши аъзолари томонидан, кредитларни мақсадли ишлатилиши ва назарда тутилган иш ўринларининг яратилганлиги мониторинг қилинмоқда.
Хусусан Кенгаш аъзоларитомонидан Иссиқхона йўналишида 15 млн.сўм миқдорида имтиёзли кредит олган “Ижодкор” маҳалласи “Юртпарвар” кўчаси 53-уйда яшовчи Д.Матбобоева ўз лойиҳасини амалга ошириш орқали 3 та иш ўрни, ҳудди шу маҳалланинг “Ижодкор” кўчасида яшовчи Н.Жумаева Чорвачилик йўналиши учун 15 млн.сўм миқдорида кредит олиб, 3 нафар оила аъзоларини банд қилган. Бундан ташқари “Ижодкор” маҳалласи “Садоқат” кўчаси 23-уйда яшовчи Л.Назарова Тикувчилик йўналишида 30 млн.сўм миқдорида имтиёзли кредит олиб ўз лойиҳасини амалга ошириши натижасида 5 та иш ўрни яратган.
Боёвут тумани ҳокимлиги
Ахборот хизмати