БОЁВУТ: "Обод ва хавфсиз маҳалла" тамойили амалда
@BoyovutliklarМаҳалла тизими жамиятимизнинг энг муҳим ва таянч бўғини ҳисобланади. Охирги уч йилда уни ривожлантириш борасида қатор амалий ишлар амалга оширилди.
Хусусан, маҳалла институтига оид 38 та қонун ва меъёрий ҳужжатлар қабул қилинди, 50 дан ортиғи такомиллаштирилди. Жамият ҳаётида жонбозлик кўрсатган соҳа ходимлари давлат мукофотлари билан тақдирланди. Фуқаролар йиғинлари раислари ва масъул котибларининг ойлик иш ҳақи ўтган йилнинг ўзида 1,5 баробарга оширилди.
Сўнгги уч йилда 5 та маҳалла идораси янгидан қурилди. Унда идора биноси бўлибгина қолмай тикувчилик маркази, гўзаллик салони ҳам ўрин олган. Ҳар бир фуқаролар йиғинида "Кексалар маслаҳати" гуруҳлари ташкил қилинди.
Ўзбекистон Республикаси Президенти Шавкат Мирзиёев раислигида 12 февраль куни маҳалла тизимини такомиллаштириш, маҳаллаларда тинчлик-осойишталикни мустаҳкамлаш, жиноятчиликнинг олдини олиш масалалари бўйича ўтказилган видеоселектор йиғилишида ўтказилди. "Обод ва хавфсиз маҳалла" тамойили амалга ошириш юзасидан қатор топшириқ ва кўрсатмалар берилган эди.
Боёвут тумани “Лайлаккўл” маҳалласида ўтказилган семинар тумандаги мавжуд 38 та маҳалладаги хонадонлар ва кўчаларни обод-кўркам қилиш "Обод ва хавфсиз маҳалла" тамойилини амалга ошириш масалаларига бағишланди.
"Жонажон юртим ободлигига ўз ҳиссамни қўшаман " шиори остида ўтган тадбирда “Лайлаккўл” маҳалласида иш ва ҳужжат юритиш, маҳалладаги тадбиркорлик субъектларининг фаолияти, “Обод кўча” ва “Обод хонадон”лар семинар иштирокчилари билан биргаликда кўздан кечирилди.
Семинар давомида 3 та илғор, “Лайлаккўл”, “Ўзбекистон” ва “Ифтихор” маҳалла фуқаролар йиғинига замонавий компьютер жамланмаси топширилди.
Республика маҳалла ва оилани қўллаб-қувватлаш вазирлигининиг масъул ходимлари қатнашди ҳамда сўзга чиқди.
Боёвут тумани ҳокимлиги Ахборот хизмати