Олтинчи чақириқ Халқ депутатлари Боёвут тумани Кенгашининг еттинчи сессияси ҳақида
@Boyovutliklar
Бугун Халқ депутатлари Боёвут тумани Кенгашининг еттинчи сессияси бўлиб ўтди.
Унда Кун тартиби қўйилган тўртта масала кўриб чиқилди.
Хусусан депутатлар туман ҳокимининг соҳавий ўринбосарларининг “Боёвут туманида истиқомат қилаётган фуқароларни яшаш шароитини яхшилаш, “Ақлли қишлоқ” лойиҳаси асосида уй-жой билан таъминлаш бўйича қўшимча чора-тадбирлар”и, “Пандемия шароитида ишлаб чиқариш корхоналарининг барқарор фаолият юритишини таъминлаш орқали иқтисодий фаолликни тўлиқ тиклаш ҳамда аҳоли бандлиги ва даромадларини ошириш, тадбиркорликни қўллаб-қувватлаш”, “Туманда 2020 йил инвестиция дастури, жумладан жорий йил январь-апрель ойлари прогноз кўрсаткичларининг ижроси, йирик ишлаб чиқариш қувватларини ўз вақтида ва сифатли ишга тушириш, тўғридан-тўғри хорижий инвестиция, экспорт режаларининг бажарилиши”, “Оилалардаги ижтимоий-маънавий муҳит барқарорлигини таъминлаш, ёшлар ва аёллар бандлигини ошириш, оилалар ўртасида ажримларнинг олдини олишга қаратилган профилактик тадбирларни кучайтириш” каби масалалардаги ҳисоботини тинглашди.
Сессияда ишида кўриб чиқилган масалалар атрофлича муҳокама қилиниб, кун тартибидаги масала юзасидан тегишли қарорларни қабул қилишди.
Сессияда вилоят прокурори Равшан Машарипов иштирок этди ва сўзга чиқди.
Боёвут тумани ҳокимлиги Ахборот хизмати