Боёвут туманида Яратгандан тинч-осойишталик сўраб қурбонлик қилинди.

...Қурбонлик Аллоҳ таолога атаб қилингани учун инсонни соғ-саломат, ҳеч бир нуқсонсиз бўлишига уриниш Аллоҳ таолога нисбатан юксак одобни кўрсатади.

2020 йилда халқимиз бошидан оғир синовларни ўтказмоқда. Яратгандан юртимиз тинчлиги, халқимиз фаровонлигини сўраб, юртимизни турли хил табиий офатлардан асрашлигини, коронавирус инфекциясидан мамлакатимиз тезроқ қутулишлигини ҳамда Муҳтарам Президентимизга куч-қувват ва соғлик сўраб Боёвут тумани сектор раҳбарлари ташаббуси билан бугунги фазилатли “Жума айёми”да яхши ният билан жонлиқ сўйилди ва имом хатиб томонидан қуръон тиловат ўқилиб, дуолар қилинди.

Ушбу Қурбонлик ҳақида гапирар экан, - Ота-бобо, она-момоларимизнинг чеҳраларини бир эслайлик. Улар Яратгандан бизлар учун тинч-осойишталик сўраб, дуо қилаётган сиймода гавдаланадилар. Демак, эртага биз ҳам авлодларга шундай гавдаланамиз. Демак, бу – азалий ва абадий ўзбекона қадриятимиз. Жаҳон миқёсида инсоннинг энг муқаддас ҳуқуқларидан бири – тинч, осойишта яшаш ҳуқуқи эканлиги эътироф этилади. Ана шу миллий қадрият – тинчлик ва осойишталикни таъминлаш асосий вазифаларимиздан биридир. Бугун биз ҳам келажак авлод учун тинч-осойишталик сўраб, дуо қилайлик. Бошимиздан бу балолар арисин, деди Дилфуза Уралова.

Халқимиз бошига тушаётган бу кўнгилсиз ҳолатлар Яратганнинг бизга берган синовидир. Уни мардонавор енгиб ўтиш, олдимизда турган муаммоларни имкон қадар тезроқ ҳал этиш учун эса Муҳтарам Президентимиз бошчилигида барча бирдек ҳаракат қилмоқда.

Боёвут тумани ҳокимлиги Ахборот хизмати.