Сув – неъмат

"Бу муздек эмас-ку! Бошқа муздекроғидан олиб чиқ!", "Мен кўк чой ичмайман, қора чой ичаман", "Менга лимонли чой опкелинг!" деб ўз истакларимизни баён қиламиз. Шу пайтда дунёнинг қайсидир нуқтасида одамлар лойқа, иссиқ, шўр, тозаланмаган, ҳайвонлар ичиб юрадиган сувдан истеъмол қилиб ҳаёт кечираётганини унутмасак бўлди!

 Ҳаво исиши билан ичимлик сувига бўлган талаб янада ошиши ҳеч кимга сир эмас, аммо ичимлик сувини ҳар доим ҳам ичиш учун сарфлаганимиз йўқ. Айримлар ичимлик сувидан томорқа суғоришда фойдаланамоқда. Натижада тармоқдаги ичимлик суви ҳамма истеъмолчилар етиб бормаслик ҳолати кузатилмоқда.

 Томорқа суғоришга сув йўқ дейдиганлар эса, томчилатиб суғориш ёки бошқа муқобил йўлларни қидиришса, ичимлик суви қолганларга ҳам етиб боради.

Бу каби ҳолатлар кўпинча Боёвут шаҳарчаси ҳудудида учрайди. Азизлар, Барча нарсада бўлгани каби ичимлик сувида ҳам меъёр мавжуд. Ичимлик суви тармоғи орқали келаётган сув фақатгина бизга эмас, балки бутун бир маҳаллага мўлжалланганлигини унутмайлик.

Азизлар, Роббимизнинг берган барча неъматлари қатори, истаганимиздек сув ичиш неъматини бергани учун ҳам шукрона қилайлик! Об-ҳаётни беҳудага сарфламайлик!

 Боёвут тумани ҳокимлиги Ахборот хизмати