СИНОВНИ ЎЗБЕКОНА УРФ-ОДАТ ВА ҚАДРИЯТИМИЗ БИЛАН ЕНГАМИЗ

Ўзбекона анъанага мувофиқ ҳар бир хайрли иш нуроний отахон ва онахонларнинг дуоси билан бошланади. Бугунги “Меҳр карвони” ҳам дастлаб туманнинг “Ижодкор” маҳалласида яшовчи 94 ёшли Сожида она Бегалиеванинг хонадонига ташрифдан бошланди.

Сожида она дуога қўл очар экан: - халқимиз бошига келган бу синовни ўзбекона урф-одат ва қадриятимиз билан енгамиз, дея бугунги хайр-саҳоват   ишларига бош бўлган Юртбошимизга мустаҳкам соғлик, куч-ғайрат ва шижоат тиладилар.

Бу дуоларга “Лайлаккўл” маҳалласида яшовчи 100 ёшни қоралаган меҳнат фахрийси Абдулла ота Мамараимов ҳам шу тилакларни билдирдилар.

Боёвут тумани ҳокимлиги ва тумандаги саҳоватпеша тадбиркорлар томонидан (“Beton sanoat” МЧЖ ва “Boyovut texno cluster” МЧЖ) ташкил этилган “Меҳр карвони” жами 500 та хонадонга, жумладан,  ижтимоий муҳофазага муҳтож, карантиндаги тиббий кузатувга олинган оилалар, эпидемия сабабли умумий овқатланиш ва бошқа хизмат кўрсатиш шоҳобчаларининг вақтинча ёпилиши оқибатида ишсиз, даромадсиз қолган хотин-қизлар, ҳозирги кураш майдонида толмай меҳнат қилаётган тиббиёт ва санитар ходимлар, дезинфекция ишларида жонбозлик кўрсатаётганлар, азиз жонини хатарга қўйиб, халқимизга ризқ-рўз яратиш мақсадида далаларда меҳнат қилаётган сувчи-мироб ва механизаторларнинг оилаларини қўллаб-қувватлаш мақсадида озиқ-овқат маҳсулотлари, санитария-гигиена ва антисептик воситалар тарқатилди.

Бу каби меҳр-мурувват ва саҳоват ишлари давом этади. Ҳеч ким эътибордан четда қолмайди.

Боёвут тумани ҳокимлиги Ахборот хизмати