Ёшлар - келажак бунёдкори

Бугун Боёвут туман прокурори, 2-сектор раҳбари З.Усмонов "Ижодкор" МФЙда жойлашган 40-умумтаълим мактабининг фаоллар залида маҳалланинг ёшлар билан учрашди.

Учрашувда Ўзбекистон ёшлар иттифоқи Боёвут туман Кенгаши раиси А.Алашукуров ҳам иштирок этди. 

"Ижодкор" МФЙга ташриф буюришдан кўзланган мақсад бугунги кунда ёшлар 5 та ташаббус ижросини таьминлашда дуч келаётган муаммолар, шахсий кундалик ҳаётларидаги камчиликлар ва тадбиркорлик соҳасидаги таклифлари юзасидан очиқ мулоқот бўлиб ўтди.

Сектор раҳбарининг тадбиркорлик соҳасидаги маслаҳатлари ёшларда катта таассурот уйғотди.

Учрашувда 60 нафар ёшлар қатнашиб, улар томонидан 6 та таклиф ва муаммолар билдирилди. Билдирилган таклиф ва муаммоларнинг 5 таси учрашув давомида ҳал этилиб, 1 таси бўйича тегишли ташкилотларга бириктирилди.

Учрашув сўнгида туман прокурори фаол, юқори натижаларга эришаётган ёшларни диплом ва эсдалик совғалари билан рағбатлантирди.

З.Усмонов ёшлар билан доимо учрашишга ва ёшларга ёрдам беришга тайёр эканлигини билдирди. Ушбу учрашув фикр ва мулоҳазаларга бой тарзда ўтди.

Боёвут тумани прокуратураси