Нуронийларимиздан кетмон чопишни сўрамаймиз, улар ҳар доим дуода бўлсинлар...
@BoyovutliklarБугун Боёвут тумани ҳокими Дилфуза Уролова тумандаги нуроний отахона ва онахонлар билан учрашди.
Хайрли бошланган жорий йилда туманимизда амалга ошириладиган барча ислоҳотларга барака сўраб, қурбонлик қилинди.
Учрашув доирасида Дилфуза Уролова нуроний отахона ва онахонлар билан фикр алмашар экан, - биз нуронийларимиздан кетмон чопишни сўрамаймиз, улар ҳар доим дуода бўлсинлар, ўзларининг ҳаёт тажрибалари, ўгитлари билан оилалардаги ижтимоий-маънавий муҳитни соғломлаштириш, фарзандларимиз тарбиясига ижобий таъсир кўрсатишларида биз камарбаста бўлайлик, деган фикрни билдирди.
Ўз навбатида нуронийлар ҳам ёшларда миллий қадриятларга бўлган ҳурматни камол топтириш, уларнинг маънавий юксалишида бош-қош бўлишларини билдирди.
Шунингдек, учрашув давомида жорий йилда амалга ошириладиган маънавий-маърифий тадбирлар ва унинг кўлами келишиб олинди.
Боёвут тумани ҳокимлиги Ахборот хизмати